Американската новинарка Лорен Санчез, инаку вереница на милијардерот Џеф Безос, речиси секогаш е на мета на критики поради своите пластични операции, а поради новиот изглед го добила прекарот „пластична љубовница“.
Многумина мислат дека оваа контроверзна новинарка претерала со зафатите, а други дури ја споредуваат и со восочна фигура, па не можат да се начудат на нејзиниот изглед во споредба со фотографиите од минатото.
Експертите веруваат дека во еден момент таа започнала со ботокс којшто редовно го практикува, а веројатно вбризгала и филери со оглед на тоа што нема брчки.
Да ве потсетиме, Џеф во 2019 година се разведе од поранешната сопруга Мекензи Безос после 25 години брак, а причината за разделбата била токму Лорен со која Безос со години ја изневерувал својата сопруга и ја криел врската.
Парот првпат се појавил јавно на Вимблдон 2019 година каде во свечената ложа непрекинато разменувале нежности.
После тоа станале неразделни, иако јавноста не верувала во нивната врска.
Славниот основач на „Амазон“ и неговата вереница минатата година го посетиле и Хвар, а исто така и Дубровник.
