ВИДЕО | Aрсенал водеше со 3:0 во лондонското дерби, но на крајот стравуваше за победата
Арсенал остана во трката за титулата во Премиер лигата откако денес го победија Тотенхем со 2:3 во еден тежок натпревар.
Избраниците на Артета одиграа одлично прво полувреме по кое имаа предност од 0:3, но Тотенхем во вториот дел успеа резултатски да се врати во игра.
Натпреварот беше отворен со автогол на Хојбер по еден корнер на Сака кој подоцна и самиот се запиша во листата на стрелци. За издвојување се двете добри прилики кои ги имаше Тотенхем пред вториот гол на Арсенал, ВАР поништи погодок на Ван де Вен. Третиот гол за Арсенал беше дело на Каи Хаверц.
Во второто полувреме изгледаше дека Арсенал ја има контролата над натпреварот се до грешката на голманот Раја. Сон од пенал со вториот гол ја врати неизвесноста, меѓутоа „петлите“ немаа сили за целосно враќање.