Ротквичките се составен дел од многу салати. Меѓутоа, дали сте знаеле дека можете да ги јадете со путер?
Овој крајно необичен рецепт стана популарен на социјалната мрежа ТикТок, а нѝ доаѓа од Франција. Една корисничка на споменатата социјална мрежа го споделила со своите многубројни следбеници со зборовите:
„Не можам да верувам дека дека ми требаше толку време за да го споделам својот омилен рецепт со ротквички“, вели таа на почетокот на видеото и додава дека за оваа вкусна закуска дознала пред неколку години додека престојувала во Франција.
Ротквичките треба добро да се измијат, а потоа да се исечат на половина. Двете половини премачкајте ги со путер. Девојката во видеото советува дека за овој рецепт треба да користите поквалитетен путер. На крајот, посолете го овој „специјалитет“ и уживајте!