НБА плеј-оф: Њујорк и Индијана во полуфиналето на Истокот
Њујорк никс и Индијана пејсерс се пласираа во полуфиналето на Источната конференција на НБА лигата, откако синоќа во шестиот натпревар од првото коло на конференцискиот плеј-оф славеа против Филаделфија севентисиксерс, односно Милвоки бакс.
Никс ги победија Сиксерси со 115:118 во шестиот меч од плеј-офот синоќа во Филаделфија и обезбедија пласман во конференциското полуфинале со резултат 4:2 во серијата од четири победи.
Беа предводени од Џејлен Брунсон со 41 поен и 12 асистенции, додека кај Сиксерси најдобар беше Џоел Ембид со 39 поени и 13 скокови.
Во полуфиналето Никс ќе играат против Пејсерс, а првиот дуел е закажан за в понеделник во Њујорк.
Jalen Brunson wouldn't be denied in the @nyknicks Game 6 win to advance to the Eastern Conference Semifinals!
🗽 41 PTS
🗽 12 AST
🗽 3 3PM
🗽 13-27 FGMJalen Brunson is the FIRST KNICK EVER to average 30+ PPG and 8+ APG in a Playoff series 👏#NBAPlayoffs presented by Google… pic.twitter.com/o72091MfRO
— NBA (@NBA) May 3, 2024
Индијана го елиминираше Милвоки со победа од 120:98 шестиот натпревар во Индијанаполис и така се пласира во конференциското полуфинале со резултат 4:2 во серијата.
До победата ги предводеше Оби Топин со 21 поен, а Т.Ј. Меконел додаде 20. За Бакс Демијан Лилард постигна 28 поени, Брук Лопез постигна 20, а Боби Портис имаше 20 поени и 15 скокови.
Милвоки ја одигра целата серија без двократниот МВП на НБА, Јанис Антетокунмпо, кој се повреди на 9 април.