Свет

ГЕМ: Европа е на удар поради плановите да потроши 84,1 милијарди евра за нови проекти за гас

ГЕМ во својот последен извештај наведува дека европските проекти за гас, доколку се изградат, ќе го зголемат увозниот капацитет за 55 проценти.

Истражувачкиот центар Глобал Енерџи Монитор - ГЕМ (Global Energy Monitor - GEM) со седиште во Сан Франциско ги критикуваше европските земји дека планираат да инвестираат 84,1 милијарди евра во секторот за природен гас и покрај тоа што се во многу посигурна позиција од пред две години, јавуваат турски медиуми.

ГЕМ во својот последен извештај наведува дека европските проекти за гас, доколку се изградат, ќе го зголемат увозниот капацитет за 55 проценти.

Според извештајот, Европа веќе има двојно поголем увозен капацитет од нејзината побарувачка за течен природен гас (ЛНГ), а тоа би можело да се зголеми четирикратно до 2030 година доколку се изградат планираните проекти.

-Со новите терминали за течен природен гас (ЛНГ) во вредност од 84,1 милијарди евра и планираните цевководи, изградбата на гасната инфраструктура во Европа се одвива како регионот да е сè уште во криза, иако е во многу посигурна позиција отколку што беше пред две години, се наведува во извештајот.

Во извештајот се нагласува дека големите инвестиции во гас не се во согласност со енергетската транзиција на Европа, особено имајќи го предвид зголеменото производство на обновливи извори на енергија во Европа и енергијата на ветерот, која минатата година за прв пат го надмина природниот гас.

Според ГЕМ, европските земји развиваат 248,7 милијарди кубни метри (bcm) нов капацитет на ЛНГ, како и 16.491 километар цевководи. Ова вклучува прекугранични цевководи кои би можеле да увезуваат 46 милијарди кубни метри гас годишно.

Се проценува дека Европа ќе потроши 44,4 милијарди евра за терминали за ЛНГ и 39,7 милијарди евра за гасоводи. Во извештајот на ГЕМ се наведува дека проектите кои моментално се градат чинат 10 милијарди евра и дека Германија, Италија и Грција, кои имаат развиено најмногу гасна инфраструктура во Европа, се одговорни за речиси половина од планираните проекти.

Извештајот, исто така, покажа дека европските планови за ЛНГ напредувале брзо од почетокот на 2022 година, но одложувањата забележани во 2023 година може да се гледаат како показател за опаѓање на ентузијазмот.

Европа има вкупно 11 ЛНГ терминали во изградба. Најскап од нив е германскиот ЛНГ терминал BrunsbUttel, кој има капацитет од осум милијарди кубни метри по цена од 1,3 милијарди евра.

Нивото на складирање на природен гас во Европа беше над просекот во изминатите две зими и беше 99,6 отсто полно во ноември. Европа сега може да увезе доволно гас од глобалните пазари за да ја задоволи побарувачката.

Македонија

Денес е ден на Македонскиот јазик

Денеска Македонија го одбележува 5 мај – денот на Македонскиот јазик.

На овој ден во 1945 година, со решение на Народната влада на Федерална Македонија е усвоена азбуката на македонскиот јазик врз принципот еден глас – една буква, а набргу потоа, на 7 јуни 1945, е усвоен и Правописот на македонскиот јазик.

Кодификацијата на современиот македонски стандарден јазик се заокружува со делата на Блаже Конески – Граматиката на македонскиот литературен јазик, Речникот на македонскиот јазик и Историјата на македонскиот јазик.

Свет

Садик Кан третпат избран за градоначалник на Лондон

Садик Кан го освои рекордниот трет едноподруго градоначалнички мандат во Лондон на локалните избори во Англија на кои што неговите лабуристи ѝ нанесоа тежок пораз на конзервативната партија.

Кан, кој првпат беше избран во 2016, ја победи ривалката Сузан Хол со разлика од повеќе од 276.000 гласови.

„Мојата животна чест е да му служам на градот што го сакам. Во моментов сум многу понизен. Ова беа тешки неколку месеци, во кои се соочивме со кампања на постојана негативност. Горд сум што одговоривме на поттикнувањето страв со факти“, изјави 53-годишниот Кан, кој е и првиот муслиман кој беше избран за градоначалник на Лондон.

Тој истовремено го повика премиерот Риши Сунак да распише парламентарни избори.

Фудбал

Ди Марија пред трансфер во Турција

Турскиот гигант Бешикташ испраќа сезона полна со неуспеси и веќе размислува за новата кампања. „Црните орли“ се во потрага по нов тренер, а планираат и летни трансфер потези.

На „Тупраш“ има сериозен интерес за аргентинскиот ветеран Анхел Ди Марија и ќе преземат конкретни чекори за да го привлечат, тврди „ТРТ Спор“. Тоа се очекува да се случи во наредните денови.

Триесет и шест годишниот офанзивен играч за врска најверојатно ќе ја напушти Бенфика на крајот на сезоната бидејќи му истекува договорот. Има опција да се продолжи за уште една сезона, но тоа веројатно нема да се случи.

Ди Марија има втор престој во португалскиот гигант. Тој минатото лето се врати на „Луж“ откако го напушти Јувентус. Играше и за Реал Мадрид, Манчестер Јунајтед и ПСЖ.

Доколку дојде до трансфер на Аргентинецот во Бешикташ, тоа најверојатно ќе биде неговиот последен европски тим.

притисни ентер