Во пресрет на двојните избори, вториот круг од претседателските и парламентарните избори денеска гласаат болните и изнемоштени лица чии пријави биле прифатени од општинските изборни комисии. Гласаат и затворениците, лицата во притвор и во вонсемејни заедници, како и две раселени лица.

Од државната изборна комисија велат дека за претседателските избори ќе гласаат 11.123 болни и немоќни лица, а за парламентарните избори бројката е поголема за 102 избирачи. Исто така, во 14 избирачки места во казнено-поправните установи за претседателските избори треба да гласаат 2.147 избирачи. Во најголемиот затвор во Идризово право на глас имаат 887 затвореници.

„Досега се излезени 250 гласањето започна во 7 часот ќе заврши во 19часот, нема некои проблеми се си тече најнормално.“ - изјави Зоран Петровиќ член на избирачкиот одбор.

Се гласаше и во затворот во Штип.

„Го отворивме точно на време во 7 часот, имаме 206 гласачки и по двата избирачки списоци и за парламентарните и за претеседателските избори и досега има излезеностна 71 гласач, се тече во добар ред.“ - изјави Адријана Хаџиниколова заменик претседател на избирачко место.

Денеска гласаат и 534 лица згрижени во 20 установи за вонсемејно згрижување, а во избирачкиот список запишани се и две внатрешно раселени лица.