Се ближат потопли денови, а многумина во потрага по освежување од горештините посегнуваат по не баш здрави методи.
Ако сте од оние кои често знаат да си легнат со мокра коса, мора да знаете дека тоа не се препорачува. Покрај тоа што влажноста ја оштетува косата, таа може да има и негативни ефекти врз здравјето.
Повеќе првут
Првутот се јавува поради присуството на габи на нашиот скалп кои се хранат со масните масла од фоликулите на косата за да ги регенерираат клетките на скалпот. Но, кога е повлажно од вообичаено, оваа габа брзо се размножува, создавајќи несакан првут.
Косата повеќе се заплеткува
Без сомнение, легнувањето со мокра коса е синоним за будење со заплеткана коса. Ова се случува затоа што испарувањето на водата предизвикува заплеткување, јазли и разлетување.
Косата станува покршлива
Кога косата е влажна подолго време, станува почувствителна да ја апсорбира влагата во околината. Ова ќе ја направи косата покршлива. Бидејќи косата е почувствителна, ќе се зголеми и порозноста на површината на косата, а тоа го зголемува ризикот од забрзано опаѓање на косата.
Скалпот станува воспален
Концентрираната влага во влажната коса предизвикува и воспаление на скалпот, што може да предизвика непријатно чешање и рани. Покрај тоа, постојаното гребење придонесува за оштетување на корените на косата, кои се веќе ослабени од влагата.
Може да се појават главоболки
Не смееме да заборавиме дека непријатностите од спиење со мокра коса може да доведат и до здравствени проблеми. На пример, може да предизвика сериозни главоболки, мигрена или непријатност во мускулите. Може дури и да се разбудите со настинка поради ненадејната промена на температурата.
