Досега 22 Украинци удавени во реката Тиса во обид да избегнат мобилизација

Добивај вести на Viber

Избегнувањето на воената служба во Украина има екстремни форми, изјави војник кој служи во озлогласениот Азовски полк за локалниот медиум ТСН. „Буквално никој“ не е подготвен да оди во првите борбени линии, рече војникот.

Човекот, идентификуван само со неговиот борбен прекар „Нико“, рече дека продолжува да се бори и покрај тоа што е повреден и изгубил нога во борба, бидејќи едноставно нема кој да го замени, објавија руските медиуми.

„Денес никој не е подготвен да се приклучи на вооружените сили на Украина“, изјави тој за ТСН.

Луѓето „прават се што им текнува“ за да избегаат од регрутирање, вклучително и „пливање преку реката Тиса и давење во неа“, рече војникот, цитирајќи ги неодамнешните извештаи за десетици мажи кои ги загубиле животите обидувајќи се да избегаат од Украина и да избегнат регрутирање.

Во март, Украинската гранична служба објави 22 смртни случаи од давење во реката Тиса од почетокот на конфликтот во февруари 2022 година. Реката, која се наоѓа на границата на Украина со Романија, се повеќе ја минуваат оние кои сакаат да побегнат во странство.

Снимките објавени од украинските медиуми во март покажуваат дека граничарите брутално тепаат десетици мажи уапсени откако се обиделе да преминат во Романија.