Македонија

Источното крило на НАТО очекува унапредување на врските со Украина до самитот во Вилнус

Земјите од источното крило на НАТО очекуваат самитот на Алијансата во Вилнус во јули да ја стави Украина на појасен пат кон членство откако ќе заврши војната со Русија, беше објавено синоќа на самитот на источните членки во Братислава, пренесе Хина.

Сојузниците на НАТО се расправаат за брзината на евентуалниот пристап на Украина во НАТО, а самиот Киев признава дека тоа не може да се случи додека не заврши војната со Русија.

Претседателот Володимир Зеленски минатата недела во Молдавија се состана со европските лидери, при што го повика НАТО да вети безбедносни гаранции доколку членството сè уште не е можно.

Претседателите на источните земји на Алијансата, од кои повеќето граничат со Украина или Русија, вчера се сретнаа со генералниот секретар на НАТО, Јенс Столтенберг, како знак на натамошна поддршка за Украина во нејзиниот пристап кон НАТО.

-Ги зајакнуваме односите со Украина во смисла на конкретна практична помош, но и во доближување на односите со неа, изјави на прес-конференција словачката претседателка Зузана Чапутова, домаќин на самитот.

„Ние не го сметаме ова за проширување или навлегување на НАТО кон Русија“, додаде таа, велејќи дека ќе инсистира на давање гаранции на членките на НАТО дека Русија нема да ги апсорбира земјите на нејзините граници.

Земјите од источното крило на НАТО, Бугарија, Чешка, Естонија, Унгарија, Летонија, Литванија, Полска, Романија и Словачка - познати и како Букурешт Девет - се најжестоките поддржувачи на Украина.

Некои членки на НАТО, сепак, стравуваат дека ненадејниот чекор може да ја доближи Алијансата до директна конфронтација со Русија, а унгарскиот претседател Каталин Новак предупреди да не се даваат „нереални ветувања“.

„Очекуваме дека во Вилнус ќе ги кренеме нашите односи со Украина на ново ниво и ќе почнеме нов политички пат што ќе доведе до членство на Украина во НАТО, откако тоа ќе го дозволат условите“, соопшти Букурештката деветка.

Литванскиот претседател Гитанас Науседа, кој ќе биде домаќин на самитот во Вилнус, исто така кажа дека додека девет земји едногласно го поддржуваат членството на Украина во НАТО, добивањето поддршка од другите сојузници на НАТО е „проблематично“.

-Сè уште не гледаме до каде ќе оди ова, рече тој.

„Во текот на следните недели мора да најдеме начин да направиме голем чекор напред и да не ги разочараме очекувањата на Украина и нејзините поддржувачи“, додаде тој.

-Нема да биде доволно уште еднаш да се повтори дека вратите на НАТО се отворени, додаде тој. /МИА

Шоу биз

Објавена причината за смртта контроверзниот О.Џ. Симпсон

Објавена причината за смртта на поранешниот американски фудбалер и актер: Симпсон имал рак на простата.

Објавена е официјалната причина за смртта на контроверзниот џетсетер О.Џ. Симпсон .

Според TMZ, поранешниот американски фудбалер, кој во 1995 година беше ослободен од обвинението за убиство на сопругата и нејзината пријателка во случај кој предизвика голем интерес кај американската јавност, починал од рак на простата.

Тој прво откри дека се бори со ракот, иако не прецизираше со кој, во мај 2023 година, но посочи дека ја победил болеста. Сепак, тој изгледаше многу изнемоштено на неговите последни јавни појавувања, дури и одеше со бастун во јануари 2024 година.

О.Џ. Симпсон почина на 10 април на 76-годишна возраст.

Поранешниот фудбалер и актер избегна да замине во затвор откако беше прогласен за невин за смртта на неговата поранешна сопруга Никол Браун Симпсон и нејзиниот пријател Роналд Голдман, кои наводно ги избодел со нож во 1994 година во Лос Анџелес.

Симпсон подоцна одлежа девет години во затвор во Невада, откако во 2008 година беше осуден за 12 точки од обвинението за вооружен грабеж и киднапирање на двајца дилери на спортски сувенири под закана со пиштол во хотел во Лас Вегас.

Свет

Десетици смртни случаи во САД на луѓе на кои им се давале седативи за време на апсења

Во 15-годишната истрага за практиката на давање седативи на луѓе за време на апсења во САД, и поддржана од експерти за спроведување на законот, покажа дека стратегијата, наменета за намалување на насилството и спасување животи, доведе до многу смртни случаи кои можеле да се избегнат.

Најмалку 94 луѓе умреле од 2012 до 2021 година, откако полицијата им давала седативи обидувајќи се да ги задржи, а околу половина од жртвите биле црнци, според наодите на АП во соработка со Фронтлајн ПБС и Хауард Центарот за истражувачко новинарство, јавија американските медиоуми.

Главната причина за толку многу црни жртви е спорната наводна медицинска состојба наречена „возбуден делириум“. Критичарите велат дека нејзините наводни симптоми, кои вклучуваат „натчовечка сила“ и висока толеранција на болка, се во овнова во расистичките стереотипи за црнците и водат до пристрасни одлуки за тоа кому треба да му се даде седатив.

Беше невозможно да се одреди улогата на седативи во секоја од 94-те смртни случаи бидејќи многу од случаите вклучуваа употреба на потенцијално опасна сила врз луѓе кои биле дрогирани или пијани и затоа што истрагата обично се фокусирала на дејствијата на полицајците, а не на медицинските лица кои им помагаат.

АП пронашла докази за луѓе кои биле насилно држени на стомак од полицијата, многумина со лисици на рацете додека полицајци седеле на нивните грбови, а кои се мачеле да дишат и се обидувале да се ослободат. Повикувајќи на отпор при апсење, болничарите им давале седативи, што дополнително го забавувало нивното дишење.

Срцевиот и респираторниот застој често се случувале во рок од неколку минути.

Македонија

Најмладите од Дебарско и Река со каланда го возвестија Лазаревото воскресение

Света Бигорска обител денеска беше израдувана од прекрасното пеење на Лазаревата каланда „Кажи Лазаре“, којашто одекнуваше од устите на најмладите дечиња од реканскиот и дебарскиот регион.

-Овие прекрасни млади души, на чиишто лица сјаеше празничната радост, со чистина во срцата ни го најавија претстојното Пасхално торжество и преку каланда ни проговорија за Лазаревото Воскресение, кое е вовед во светлото и славно Христово Воскресение, рече сестра Ефимија.

Додаде дека дечињата, во придружба на своите родители, најпрво со воодушевување ги пееја каландите во манастирскиот двор, од каде што потоа се упатија кон работната игуменска одаја на нашиот старец епископ г. Партениј, за и нему да му ја пренесат сеопштата радост од Господовото воскреснување на четиридневниот Лазар.

-Таму тие беа срдечно и радосно пречекани од татковското срце и прегратка на дедото, а потоа и дарувани со традиционалните колачи Лазаринки, со велигденски ламбади и со други подароци, посочи сестра Ефимија.