<span lang="MK" style="mso-ansi-language:MK">Напуштањето на
Русија по почетокот на конфликтот со Украина ги чинеше странските компании
повеќе од 107 милијарди долари отпис и изгубени приходи, покажа анализата на
Ројтерс на податоците на компанијата.</span>
<span lang="MK" style="mso-ansi-language:MK">Обемот на
загубите се зголеми за една третина од август 2023 година, што укажува на
степенот на влијанието на руската инвазија врз корпоративните финансии.</span>
<span lang="MK" style="mso-ansi-language:MK">„Додека руската
агресија продолжува поради неконзистентната воена помош од Западот и
зголемениот опсег на западните санкции, компаниите кои сè уште имаат за цел да
излезат од Русија веројатно ќе се соочат со нови тешкотии и ќе мора да прифатат
поголеми отписи и загуби“, изјави за Ројтерс Иан Маси, директорот за собирање
податоци во консултантската фирма S-RM.</span>
<span lang="MK" style="mso-ansi-language:MK">Маси потсети дека
рускиот претседател Владимир Путин неодамна победи на претседателските избори и
обезбеди обновен мандат за продолжување на понатамошната изолација од Западот,
вклучувајќи дополнителни заплени на имот и политички притисок.</span>
<span lang="MK" style="mso-ansi-language:MK">Москва бара
попуст од најмалку 50 отсто на продажбата на странски средства и постојано ги
заострува своите клаузули за излез од рускиот пазар, честопати прифаќајќи
номинален надомест од само една рубља.</span>
<span lang="MK" style="mso-ansi-language:MK">Од почетокот на
2024 година е најавена продажба на средствата на Шел, ХСБЦ, Полиметал и Јандекс
со вкупна вредност од речиси десет милијарди долари и со попуст до 90 отсто,
наведува Ројтерс.</span>
<span lang="MK" style="mso-ansi-language:MK">Компанијата Данон
пред една недела доби регулаторно одобрение за отуѓување на руски средства со
вкупна загуба од 1,3 милијарди долари.</span>
<span lang="MK" style="mso-ansi-language:MK">Околу илјада
компании веќе ја напуштија Русија, но во таа земја уште стотина компании,
според некои анализи, работат или го прекинаа работењето.</span>
<span lang="MK" style="mso-ansi-language:MK">Од друга страна,
западните земји ги замрзнаа златните и девизните резерви на Банката на Русија
за околу 300 милијарди долари.</span>
<span lang="MK" style="mso-ansi-language:MK">Германија ја
национализираше фабриката на Гаспром и ја стави рафинеријата на Роснефт „под
своја контрола“.</span>
<span lang="MK" style="mso-ansi-language:MK">Русија вети дека
ќе возврати по предлогот на ЕУ за пренасочување на милијарди евра камати од
замрзнатите руски средства.</span>
<span lang="MK" style="mso-ansi-language:MK">Меѓутоа, поради
правни спорови кои можат да бидат предизвикани од каква било конфискација,
збунети се и западните банки.</span>
<span lang="MK" style="mso-ansi-language:MK">„Нема западни
средства во Русија што може да се сметаат за безбедни“, посочи Маси.</span>
<span lang="MK" style="mso-ansi-language:MK">Москва веќе ја
презеде контролата врз имотот на неколку западни компании, вклучувајќи ги
Фортум, Карлсберг и Џунипер, покажа анализата на Ројтерс.</span>
<span lang="MK" style="mso-ansi-language:MK">Руската државна
новинска агенција РИА пресмета дека Западот би можел да загуби средства и
инвестиции во вредност од најмалку 288 милијарди долари доколку Москва одлучи
да возврати. Таа сума одговара на директните инвестиции на ЕУ, Групата 7,
Австралија и Швајцарија во руската економија од 2022 година.</span>
<span lang="MK" style="mso-ansi-language:MK">Сепак, цврстиот
став на Москва ѝ штети и на Русија, а експертот за санкции Џереми Цукер вели
дека голем број клиенти на неговата фирма од различни индустрии одлучиле
целосно да ја напуштат Русија и веројатно нема да се вратат таму дури и кога ќе
заврши војната.</span>
<span lang="MK" style="mso-ansi-language:MK">Како резултат на
тоа, значајни технологии ја напуштија Русија и таа можеби повеќе нема да може
да поддржува одредени високотехнолошки производство, изјави Цукер од
американската адвокатска фирма Декерт за Ројтерс.</span>