Некои работи во врска со модата дефинитивно можат да ве „полудат“, а една од нив е бојата на сезоната. Честопати таа боја, која одеднаш е насекаде околу вас, е онаа која не е лесна за носење и комбинирање или едноставно не ви одговара. Од друга страна, сите знаеме колку малку боја може да значи за женската гардероба, колку го освежува и подига стилот.
Добрата вест е што сепак постои боја која е секогаш во тренд, никогаш до сега не излегла од мода и едноставно одговара на сите! Тоа е - црвената боја! За секого има соодветна нијанса на црвена боја, без разлика на бојата на кожата и косата, пишува британската стилистка и модна новинарка Шејн Вотсон.
Не можете да погрешите со црвен фустан. Никогаш! Ова, на пример, не е случај со барби розовата боја, која ја одбележа минатата сезона, бидејќи таа никогаш нема да го има тој безвременски карактер. Прекрасното нешто кај црвената е тоа што е смела и впечатлива, но исто така е нослива и некако безвременска, што се квалитети што другите бои ги немаат.
Ниту една боја не се издвојува од толпата како црвената. Црвениот фустан е за цел живот. Ако го имате, чувајте го, бидејќи со сигурност ќе го носите во наредните 20 години!
Друга добра работа кај црвената боја е што сите се навикнати на неа, па со себе не го носи „проклетството“ на боја на сезоната. Никогаш не може да стане здодевна и ви дава слобода двапати да ја носите истата работа. Црвената е загарантиран начин да ги „подигнете“ пригушените тонови на остатокот од аутфитот, а ги има многу оваа сезона – кафеави, црни, сиви, крем тонови...
Ако зборуваме за освежување на вашата гардероба оваа пролет или ова лето, тогаш црвената е дефинитивно совршена за тоа! Подлабоките нијанси на цреша се она за што се одлучија „Gucci“ и „Hermes“ во нивните неодамнешни колекции, но огненоцрвените, како бојата на чили пиперката или пожарникарскиот камион се оние кои ја задржуваат својата вредност од година во година.
