ФОТО | Мокро издание на Ким Кардашијан: Старлетата го покажа „змиското“ тело во мал костим за капење
Ким Кардашијан (43) сподели одлични фотографии на кои носи костими за капење од претстојната колекција на нејзиниот моден бренд „Скимс“. Костимите за капење доаѓаат во различни дизајни со змиски принт, а има и модели во светли бои.
Атрактивната ѕвезда на реалните шоуа за семејството Кардашијан позирала во дводелен костим за капење со змиски дезен и црвен топ со долги ракави.
За време на фотографирањето, таа облекла и светло-црвено бикини и ја пуштила влажната коса да ѝ падне по лицето.
Некои од останатите парчиња од колекцијата, кои ќе бидат достапни за купување од 17 април, вклучуваат фустан со змиски принт и црн горен дел од бикини без прерамки.
Британскиот фотограф Ник Најт е избран да ја сними новата колекција на „Скимс“ во стил кој потсетува на „неговите класични и авангардни модни кампањи од 2000-тите, се вели во соопштението на брендот.
Кардашијан и претходно соработуваше со Најт, кога се појави на насловната страница на модното списание „Офисиел“ во 2013 година, со нејзиното тогашно момче Канје Вест, и на насловната страница на магазинот „Ви“ во 2012 година.