Фудбалерите на Атлетико Мадрид повторно ги разочараа своите навивачи, откако беа елиминирани и од Лигата на шампионите. И покрај победата од 2:1 во првиот натпревар, Атлетико во реваншот загуби од Борусија Дортмунд со 4:2.

Но, ова се бројките кои можеби најдобро покажуваат зошто Атлетико на тренерот Диего Симеоне не ги даваат посакуваните резултати.

За почеток, само три екипи во „Топ 5 европските лиги“ примија повеќе голови од Атлетико Мадрид во 2024 година. Лутон прими 41 гол, Шефилд јунајтед 40, Салернитана 38, а Атлетико – 36.

Исто така, заслуга за ова има и голманот Јан Облак, кој може да постави неславен клупски рекорд. Имено, само двајца голмани примија повеќе од 60 гола во една сезона во последните 25 години. Давид Де Хеа во сезоната 2010/11 прими 65 гола, а славниот Молина во 1999/2000 еден помалку.

Уште еден неславен рекорд во ерата на Диего Симеоне – Атлетико примил најмалку еден гол во последните 11 последователни мечеви во сите натпреварувања, што е најдолга серија откако Аргентинецот е на клупата.