Ја претвораат ноќта во ден: Јапонците ги претставија првите инфрацрвени ласерски светла за автомобили / ВИДЕО
Јапонската Kyocera има иновација во осветлувањето која може да отвори дизајнерски можности, а истовремено да ги подобри напредните функции за помош при возење.
На СЕЅ 2023, индустрискиот гигант Kyocera преку својата подружница KYOCERA SLD Laser објави дека е првата компанија во светот која претставила модул на предни светла кој обезбедува јака ласерска светлина за долго и средно светло, како и инфрацрвена светлина. Ова значи дека еден систем на фарови може да обезбеди осветлување и за возачот и за сите инфрацрвени камери што возилото може да ги има внатре.
Kyocera тврди дека нејзините модули за предни светла LaserLight испорачуваат голема светлина, долг дострел, осветлување за возачите со остри прекини, овозможувајќи им да гледаат повеќе од патот, без да ги заслепуваат возачите што доаѓаат. Тоа, како што се вели, ќе доведе до подобри безбедносни резултати од агенциите за тестирање како што е Институтот за осигурување за безбедност на автопатите (IIHS), кои често се жалат на фаровите, особено на повисоките возила како теренците односно кросоверите.
Во меѓувреме, инфрацрвената светлина обезбедува подобра видливост со камерите за ноќно гледање. Дополнително, овозможува нови функции на предното осветлување, вклучувајќи 3D блиц и LiDAR сензор, кои би можеле да бидат корисни за функциите на автономно возење.
Компанијата оваа способност за емитување бела и инфрацрвена светлина ја нарекува „двојна емисија“ и вели дека тоа не е можно со LED елементите бидејќи тие не можат да се модулираат при доволно високи брзини. Ова значи дека вистинските модули на фаровите може да бидат помали, што ќе им даде на дизајнерите на автомобили поголема слобода во дизајнот.
Елементите LaserLight се распоредени во сетови од четири по фар: два за кратко светло и два за долго светло. Покрај тоа, Kyocera вели дека нивното ласерско осветлување може да се вгради и во оптички влакна. Ова, сугерираат од компанијата, може да го користат производителите на автомобили кои сакаат да го осветлат своето лого или решетка на креативен начин.
Примената може да се прошири и во воздухопловната, железничката или поморската индустрија.