ВИДЕОИНТЕРВЈУ | Божидар Божиновски, ЗНАМ: Во Југославија со една берба годишно можеше да се направи куќа
Писателот, сценаристот, инфлуенсерот и уште многу што, Божидар Божиновски, се реши за момент да ја прекине креативноста и да влезе во политички води. На претстојните претседателски избори тој ќе се обиде да освои место во Собранието на Република Македонија.
Божиновски е трет на листата со пратеници предложена од ЗНАМ, во Изборната единица 5, а како што самиот изјави во неговото вклучување во утринската програма на Слободен печат, постојат реални шанси тој да стане парламентарец по изборите.
Една од најголемите заложби во неговата политичка активност е помошта за земјоделците, за коишто тој вели дека се уништени.
– Знам како се земјоделците уништени, иако добиваат субвенција, сепак откупната цена е многу ниска. Ако во Југославија со една берба годишно можеше да се направи куќа, пред 20 години со една берба можевме да купиме трактор, пред некоја година се случи да ги дадеме јаболката по цена од 2 или 3 денари или само да го исчитаме магазинот, за да не ги фрламе. Верувам дека и со другите земјоделски култури е така, и затоа е таа загарантирана цена на откуп, што ќе им даде стабилност на земјоделците во руралните делови – вели Божиновски.
Погледнете го целото видео со нашиот гостин: