Графички икони за ментални болести

Седки Алимам кој живее и работи во Упсала, Шведска, е наградуван специјалист за брендирање и дизајн и зад себе има повеќе од една деценија меѓународно искуство. Неговата страст за основање тимови и посветеноста на неговиот занает му овозможуваат да развива и испорачува влијателни стратегии за брендирање и дизајн кои го поттикнуваат растот на бизнисот и ангажманот на клиентите за разновиден опсег на стартапи, агенции и големи организации низ различни индустрии. Во врска со својот неодамнешен проект, за креирањето на графичките симболи за ментални нарушувања , Алимам вели:

„Отсекогаш се прашував зошто луѓето не зборуваат отворено или не изразуваат поддршка за менталните болести, како што тоа се прави со физичките болести. Можеме да купиме панделки и физички да ја изразиме нашата поддршка за ракот, но зошто да не го правиме истото и кога станува збор за ментална болест?”.

Биполарно нарушување

Биполарното нарушување познато и како манична депресија, е ментално нарушување со периоди на депресија и периоди на еуфорија. Зголеменото расположение е познато како манија или хипоманија, во зависност од неговата тежина или од тоа дали се присутни симптоми на психоза.

Анксиозност

Анксиозноста е емоција која се карактеризира со непријатна состојба на внатрешен немир, често придружена со нервозно однесување кое често се манифестира преку чекорење напред-назад, соматски поплаки и механизам на преживување. Станува збор за субјективно непријатни чувства на страв од очекуваните настани, како што е чувството на непосредна смрт.
 

Хистрионско нарушување на личноста

Хистрионското нарушување на личноста е дефинирано од страна на Американската психијатриска асоцијација како нарушување на личноста кое се карактеризира со шема на емоции за прекумерно барање внимание, кои обично започнуваат во раната адолесценција, вклучувајќи несоодветно заводливо однесување и прекумерна потреба за одобрување од другите. Хистрионските луѓе се живи, драматични, весели, ентузијасти и флертувачки настроени.

Шизофренија

Шизофренијата е растројство на личноста што се карактеризира со абнормално социјално однесување и неуспех да се разбере што е реално. Вообичаените симптоми вклучуваат лажни верувања, нејасно или збунето размислување, слушање гласови што другите не ги слушаат, намален социјален ангажман и емоционално изразување и недостаток на мотивација.

Депресија

Депресивното нарушување е ментално нарушување кое се карактеризира со најмалку две недели лошо расположение, кое е е присутно во поголем дел од времето. Често е придружено со ниска самодоверба, губење на интерес за нормално пријатни активности, ниска енергија и болка без јасна причина.

Сомнипатија

Нарушувањето на спиењето или сомнипатија е медицинско нарушување на шемите на спиење на една личност или животно. Некои нарушувања на спиењето се доволно сериозни за да се мешаат во нормалното, физичкото, менталното социјално и емоционалното функционирање. Полисомнографијата и актиграфијата се тестови кои се подготвуваат за некои од нарушувањата на спиењето.

Гранично нарушување на личноста

Граничното нарушување на личноста, познато како емоционално нестабилно нарушување на личноста, е долгорочен модел на абнормално однесување што се карактеризира со нестабилни односи со другите луѓе, нестабилно чувство за себе и нестабилни емоции. Често постои екстремен страв од напуштање, често пројавување на опасно однесување, чувство на празнина и самоповредување.

Спектар на аутистични нарушувања

Спектарот на аутистични нарушувања опишува низа состојби класифицирани како невроразвојни нарушувања. Поединците на кои им е дијагностицирано нарушување од спектарот на аутистични нарушувања мора да прикажат два вида симптоми:

- Недостаток во социјалната комуникација и социјална интеракција

- Ограничени, повторувачки обрасци на однесување, интерес или активности.

Извор: https://www.demilked.com/