ГУЖВА И ЗАСТОЈ НА ПАТАРИНА СКОПЈЕ-ТЕТОВО: убавото време ги размрда Македонците
Објавено во: Македонија 13 Април, 2024
Голема гужва и застој е забележан утрово на патарината на автопатот кон Охрид, поточно на наплатна рампа Скопје - Тетово.
Читател на Фактор информира дека има поголема колона од автомобили кои чекаат пред патарината, што е невообичаено, бидејќи не секогаш има гужви на оваа наплатна рампа.
Како што може да се забележи од нашата фотографија, станува збор за подолга колона, па советуваме сите кои тргнале да патуваат кон некои од градовите во Западна Македонија и кои ќе ја користат оваа патарина да се „наоружаат“ со трпение.
Претпоставките се дека колоните на оваа патарина се должат на убавото време и желбата на нашите сограѓани да прошетаат низ Македонија. Очекувањата се дека најголем дел се упатени кон нашиот туристички „бисер“, Охрид, каде исто така температурите се над просекот.
Фото: Фактор