Апла.мк во следниот период, додека трае изборната кампања, ќе ги објавува имотните листови на дел од кандидатите за пратеници на претстојните парламентарни избори, од сите политички партии кои и досега извршувале и извршуваат јавни функции. Податоците ќе бидат официјални според анкетните листови приложени до Државната комисија за спречување на корупција.

Пеце Милевски, актуелен директор на ЈКП „Водовод“ Битола и кандидат за пратеник од редовите на ВМРО-ДПМНЕ, во анкетниот лист за неговата имотна состојба  не пријавил ни куќа, ни стан. Милевски најверојатно живее на имотот на своите родители, оти вака како што стои во имотниот лист, единствен имот е неговото возило „Фолксваген пасат“, сметки во банка и средства од продажба на земјоделски производи.  

Милевски  навел дека има за плаќање и стар кредит до 2025 во износ од 272.352 денари или околу 17 илјади евра.  Не е наведно за што е искористен кредитот. 

А.Б