Англискиот јазик како и албанскиот јазик добиваат значајно место во Швајцарија, покажуваат официјалните податоци од Берн, пренесени од швајцарскиот медиум на албански јазик Le Canton27.ch, повикувајќи се на податоци на Федералниот завод за статистика (ОФС) во Нојшател.

Англискиот како главен јазик напредува, па дури и го заменува италијанскиот на подиумот на најзборуваните јазици во земјата.

Албанскиот јазик се смета за еден од најпопуларните јазици во Швајцарија.

Федералната канцеларија за статистика неодамна објави дека за прв пат по повеќе од 10 години, повеќе луѓе во Швајцарија зборуваат албански отколку португалски.

Швајцарските власти (ОФС) во меѓувреме тврдат дека италијанскиот повеќе не е трет јазик во Швајцарија туку англискиот го „симна од тронот“.

-Но, не завршува тука. Англискиот јазик е загрозен од албанскиот јазик, пренесува Le Canton27.ch.

Кристоф Фрејмонд од Федералниот завод за статистика изјави дека „бројот на Албанците е значително зголемен во споредба со другите заедници. „Секоја година стотици од нив се натурализираат, односно добиваат швајцарски пасоши.

Според Федералната канцеларија, над 300.000 Албанци, односно граѓани кои зборуваат албански јазик, денес живеат и работат во Швајцарија, а огромното мнозинство од нив се од Косово.

Во Швајцарија живеат 200 илјади Албанци од Косово, 70 илјади се од Северна Македонија, 20 илјади од Прешевската долина и помал број од Албанија и Црна Гора.

Властите соопштуваат дека над 100.000 Албанци веќе се натурализирани и поседуваат швајцарски пасоши.

Јазици што се зборуваат во Швајцарија

59,5% од жителите на швајцарските градови го декларираат германскиот како главен јазик. Од останатите, 22,8% зборуваат француски.

-Ако ги земеме предвид ненационалните јазици, ќе видиме дека англискиот е значително развиен, со што денес е трет главен јазик од 8,1% од резидентното население, дури и го надминува италијанскиот со 8%. Покрај тоа, околу една третина од луѓето велат дека немаат верска припадност. Мултилингвизмот добива на сила во швајцарската држава. Две третини од населението редовно користат повеќе од еден јазик неделно. Поголема е веројатноста младите да зборуваат втор или дури трет јазик, покажува истражувањето за јазиците, религијата и културата, спроведено по втор пат од Федералниот завод за статистика (ОФС), каде албанскиот е рангиран по четирите официјални јазици во Швајцарија.

Според новите податоци на Федералниот завод за статистика што ги обезбеди швајцарскиот албански весник Le Canton27.ch, над 100.000 луѓе денес зборуваат на албански јазик во Швајцарија.

Процентуално, тоа значи дека 3,4 отсто од граѓаните на Швајцарија зборуваат албански.