ВИДЕО | Падна уште еден Гинисов рекорд: 353 балерини танцуваа на прсти цела минута
Стотици млади балерини облечени во „пачка“ истовремено танцувале на прсти, држејќи ја исцрпувачката поза повеќе од една минута, за да постават нов светски рекорд во хотелот „Плаза“ на Менхетен во средата.
Вкупно 353 танчарки од целиот свет ја зазедоа позицијата позната како „en pointe“ за да го соборат актуелниот Гинисов рекорд од 306 балерини.
Меѓу танчарките имало девојчиња на возраст од девет до 19 години кои се натпреваруваат за стипендии, но и професионални танчарки. На музика од Петар И. Чајковски, балерините се префрлале од едната нога на другата и обратно – на прсти и со поголема брзина. Чекорот наречен „буре“ (bourree) на француски, а тоа го правеле цела минута.
Тина Ши, претставничка од „Гинисовата книга на рекорди“, го објави резултатот:
„Имаше 353 девојки, тоа е нов Гинисов рекорд. Честитам!“.
Претставата е организирана од американската младинска програма за стипендии за балет „Јут Америка гранд при“, којашто ја прославува својата 25-годишнина со три вечерни изведби во „Линколн центарот“ за изведувачка уметност.