Британскиот принц Вилијам (41) неделава ќе замине на својата прва официјална должност откако неговата сопруга, принцезата Кетрин (42), откри дека ѝ е дијагностициран рак, објави „Пипл“.

Принцот се грижеше за нивните три деца, принцот Џорџ (10), принцезата Шарлот (8) и принцот Луис (5) додека беа за време на училишниот распуст, додека принцезата беше подложена на третман.

Кога принцезата Кетрин ја објави својата дијагноза, извори за „Пипл“ споделија дека Вилијам ќе им се врати на своите кралски должности откако децата ќе се вратат на училиште (17 април) на избалансиран, одмерен начин, соодветен на потребите на принцезата и нивното семејство.

На 18 април, тој ќе го направи тоа со истакнување на работата на заедницата и еколошките организации во југозападен Лондон и Сари, објави неговата канцеларија во палатата Кенсингтон на 16 април.

Потоа принцот ќе посети младински центар во западен Лондон, кој редовно добива вишок храна и го дистрибуира до оние кои имаат потреба.

Овие активности ја покажуваат неговата желба за свет без отпад, што е клучен образец за неговата еколошка награда „Earthshot“. Справувањето со отпадот од храна и користењето на вишокот храна е, исто така, нешто што неговиот татко, кралот Чарлс Трети, го истакна при неговото крунисување во 2023 година.

Како потсетување, принцезата Кетрин пред еден месец откри дека ѝ бил дијагностициран рак по операцијата на стомакот која ѝ беше направена во јануари. Во емотивното видео, таа сподели дека прима хемотерапија како превентивна метода за спречување на ширење на болеста.

„Во јануари, ми беше направена голема операција на стомакот во Лондон и во тоа време се сметаше дека мојата состојба не е канцерогена. Операцијата беше успешна. Сепак, тестовите по операцијата покажаа дека има присуство на рак. Затоа, мојот медицински тим ме советуваше да поминам низ рунда превентивна хемотерапија и сега сум во раните фази на тој третман“, изјави 42-годишната припадничка на британското кралско семејство.

Кејт Мидлтон се врати на социјалните мрежи: Принцезата сподели емотивна објава, прва откако откри дека има рак