Француски L'Équipe пишува дека најдобриот стрелец во историјата на националниот тим, Оливје Жиру, летово ќе ја напушти Европа. Имено, на искусниот 37-годишен напаѓач му истекува договорот со Милан и италијанскиот гигант нема да му понуди нов.
Според овој извор, нов клуб на Жиру ќе биде Лос Анџелес, каде брани неговиот колега од репрезентацијата Иго Лорис. Поранешниот напаѓач на Монпелје, Арсенал и Челси оваа сезона постигна 14 гола за Милан во сите натпреварувања.
Жиру со француската репрезентација стигна до финалето на Мундијалот 2022 година, каде постигна 4 гола, но не успеа да ја одбрани титулата бидејќи Аргентина беше подобра на пенали. На турнирот стана и најдобар стрелец во историјата на „Ле Блу“ со 53 голови. Четири години претходно во Русија, Жиру стана светски шампион без ниту еден постигнат гол на Мундијалот.
