Австралиската влада објави дека ќе ја отстрани апликацијата TikTok од сите уреди во сопственост на федералната влада поради безбедносни причини. Потегот на австралиската влада би можел повторно да ги разгори дипломатските тензии помеѓу Канбера и Пекинг, кои се намалија откако лидерот на лабуристите Ентони Албанес стана на чело на австралиската влада, објави Ројтерс. Јавниот обвинител Марк Драјфус во изјава рече дека забраната ќе стапи на сила што е можно поскоро можно, додавајќи дека исклучоците ќе бидат можни од случај до случај.
Официјални лица на социјалната мрежа рекоа дека се „навистина разочарани“ од одлуката на Австралија, додавајќи дека тоа е „поради политика, а не поради факти“.
„Нема докази кои укажуваат дека TikTok на кој било начин претставува безбедносен ризик за Австралијците и не треба да се третира поинаку од другите социјални мрежи“, рече Ли Хантер, генерален директор на TikTok за Австралија и Нов Зеланд.
Австралија им се придружува на САД, Канада, Велика Британија и Нов Зеланд во забраната на TikTok на владините телефони. Слични забрани веќе најавија Франција, Белгија и Европската комисија.