АКО ПОБЕДИ СДСМ БИ РАБОТЕЛ И ЗА НИВ КАКО ЕКСПЕРТ - Стојанче Ангелов кажа дека би барал плата од 5.000 евра

Добивај вести на Viber

Прашан дали, ако СДСМ победи на изборите, ќе го напушти ВМРО-ДПМНЕ и ќе се врати во СДСМ, Стојанче Ангелов, претседателот на партијата „Достоинство“ синоќа во емисијата „Клан дебата“ на ТВ Клан Македонија нагласи: „Да, ако ме бараат како професионалец, но за плата од 5 илјади евра.“.

Ангелов зборуваше и за причините, поради кои се одлучил да коалицира со ВМРО ДПМНЕ. Со Мицкоски тој имал контакт околу две години. ВМРО ДПМНЕ ја поддржа нивната иницијатива за обештетување на семејствата на бранителите и Ангелов е уверен дека тоа ќе се случи, ако победат на изборите.

„СДСМ покажа голем демократски капацитет, но не успеа да се погрижи за тоа што го баравме: да го усвои законот за бранители. Ова е голема неправда. Јас имам големи колеги и пријатели и во СДСМ и во ДУИ. Бев критичен и додека бев во Владата. Доаѓам од десниот блок и СДСМ ги знаеше моите ставови, но ДУИ беше товарот, што не дозволи СДСМ да работи како што треба. Многу важен момент е што Ковачевски, министерката Петровска ни дадоа поддршка и ова треба да се пофали“, рече Ангелов.

Претседателот на партијата „Достоинство“ Ангелов рече дека е потребно да се направи целосна преобразба на општеството, да се укине врамнотежувачот (балансерот) при вработување, како и да се спроведат реформи, кои ќе овозможат влез на нашата земја во Европската унија.