ВИДЕО+ФОТО: Снежна покривка во делови на Словенија и Хрватска
Снежна покривка се формирала денеска во одредени делови од Хрватска. Како што пишуваат медиумите, снег има на Горски Котар. Во Загреб за 24 часа температурите се намалиле за дури 20 степени Целзиусови.
Невреме денеска имаше и во Словенија и Србија. Промена на времето ќе имаме и во Македонија.
Исто така, Агенцијата за животна средина во Словенија издаде портокалово предупредување за југозападниот и централниот дел на државата поради силниот ветер. Портокалово предупредување е издадено за јужниот дел од земјава поради снежни услови. Температурите паднаа, а на места како и во Хрватска и за повеќе од 10 целзиусови степени.
Заладувањето од североисток напредува кон западот на земјата. Дува силен североисточен ветер. Во северна Словенија почна да се развива невреме, а врнежите ќе се интензивираат во следните неколку часа, пишува Агенцијата за животна средина, пренесуваваат регионалните медиуми.