„Семоќна“ камера: По незгода се јавува на 112, го чува автомобилот на паркинг, на паметниот телефон известува за тоа кој вози… / ВИДЕО
Функцијата DriverAware може да користи камери и сензори за да открие лошо возење – може да ги предупреди возачите дека се уморни
Враќањето на паркингот каде што сте го оставиле автомобилот, а таму сознание дека некој го вдлабнал или изгребал, може да биде многу фрустрирачки. Но, сега има решение – оваа повеќенаменска видео камера може да ве предупреди за проблем, овозможувајќи ви да ја прегледате снимката и да преземете итна акција.
Уредот iQ, кој чини 555 евра, може да разбуди и уморен возач кој заспал на воланот, па дури и да повика брза помош во случај на несреќа. Исто така, може да ве предупреди ако некој на кого му е доверено користењето на автомобилот, како што е член на семејството, вози несовесно или отиде некаде неочекувано.
Уредот користи три камери, кои може далечниски да се гледаат преку паметен телефон. Уредот е развиен од британската компанија Nextbase, а ќе се најде во продажба во месец март.
„Ќе помогне со стариот проблем на други возачи да се судрат со вашиот автомобил кога е паркиран и да возат без да остават порака. Тоа помага и на други начини“, вели Брин Брукер, шеф за безбедност на патиштата во Nextbase.
Неговата функција DriverAware може да користи камери и сензори за да открие лошо возење. На пример, може да ги предупреди возачите кои гледаат во телефонот или ако се поспани и нивните очи почнат да се затвораат.
Исто така, iQ може да ги извести службите за итни случаи за несреќа и локација на истата бидејќи може да ги почувствува ненадејните движења и ненадејните запирања кои се вообичаени при несреќи.