Култура
(ВИДЕО) По повод најголемиот христијански празник „Велигден“, жителите на овој дел од Скопје направија видео кое не остава рамнодушен никого, традиција на повидок
Доаѓаме од мало место, полно љубов, приградските села Јурумлери, Нова Колонија, сплотени во едно. Овие села имаат долга историја, места каде со векови се негуваат добрите вредности и традицијата. Уште од деца, од мали нозе, нашите родители не учеа колку е важна почитта кон религијата и како верата секогаш повикува на духовно растење и развивање на личноста. За нас црквата претставува духовен храм, место каде што се соединуваме ние верниците и нашиот Бог.
Тоа место во нашата околина е црквата св. Петар и Павле, која датира од 20от век, а до ден денес е центар на духовен мир за жителите во овие места. Водени од вербата во Бога, во пресрет на Велигденските празници, дојдовме до замисла која не остави рамнодушен ниту еден од нас. Замислата при организација на ова што го гледате беше со цел уште поголемо зближување на луѓето, заедничка соработка и најава на големиот Христијански празник. Навистина беше прекрасно чувството, сплотеноста помеѓу сите нас, сплотеноста помеѓу постарите и помладите генерации во едно. Во моментот кога ги запаливме бакљите и огнометот, срцата заиграа, а реакциите од сите присутни само ни потврдија дека она што го правиме, навистина вреди.
Ова е наша прва година на ваква организација, која во иднина ќе стане традиција, која ќе ја негуваат идните генерации. Христијани, почитувајте ја својата религија, верувајте во Бога и правете добро, за доброто да ви се врати, на кратко ни изјави Иле Ристов, еден од главните иницијатори за овој прекрасен чин претставен преку видео.
Христос Воскресе – Навистина Воскресе!
Доколку не се вчита видеото, ексклузивно погледнете го ТУКА
Култура
(ФОТО) Во кичевскиот манастир Св.Богородица – Пречиста денес беше одбележан празникот на Живоносен Источник „Балаклија“ со архиерејска литургија и традиционална литија
Со особен фокус на Велигденските празнувања, Кичево денеска го одбележува празникот на Живоносен Источник – Балаклија со архиерејска литургија и традиционална литија во манастирот Пречиста, место кое привлече многу верници од целата земја за да учествуваат во овие свети велигденски чествувања.
Литургијата беше предводена од неговото преосвештенство епископот Антаниски г. Партениј заедно со архимандритите и јеромонасите од монашкото братство од Бигорскиот Манастир како и свештениците од градот Кичево, Александар Матески и Александар Крстаноски, протојереј-ставрофор о. Златко Пуреовски од Радовиш и о. Павел Крцоски од Охрид. Веднаш по литургијата се одржа свечена пасхална литија низ манастирскиот комплекс, завршувајќи на местото Господинец каде што пострадале Светите Пречистански Преподобноновомаченици Евнувиј, Пајсиј и Аверкиј. На литијата учество земаа и граѓаните на Кичево. Всушност, денес го празнуваме нејзиниот Живоприемен Источник во Константинопол, наречен Балаклија. Подобно на својот Живоносен Источник – Балаклија, и овде во Пречистанската Обител, потече река од народ кон агиазмата кај месноста „Господинец“.
Манастирот, познат по својата духовна убавина и мир, привлекува многу посетители не само за молитва, туку и за да уживаат во спокојот кој го нуди оваа света локација. Денешниот празник во Пречиста не беше само момент на духовно прославување, туку и прилика за Христово обединување, делувајќи во духот на мирот и воскресната љубов. Со мирот и молитвата во срцата, сите присутни ја изразија својата благодарност кон Богородица, која непрекинато ги води и штити своите верници.
Чествувањето на Балаклија во манастирот Пречиста го нагласува длабокото верско наследство на Кичево и продолжува да привлекува верници и посетители кои се во потрага по духовно обновување и културно обогатување, потврдувајќи го значењето на вековните традиции кои сè уште живеат во срцата на луѓето.
Мал дел од големата фотогалерија од овој величествен настан преку нашиот објектив:
Култура
По повод празникот во чест на Богородица на нејзиниот Источник „Балаклија“, покана за Пасхална литија до Господинец утре во Манастир Пречиста
Возљубени поклоници на на Пречистанската обител, преку нашиот медиум, со особена чест ви соопштуваме дека по повод празникот во чест на Богородица на нејзиниот Живоносен Источник (Балаклија), Ве покануваме на пасхално торжество, проследено со свечена литија до местото Господинец.
Пасхалната Архиерејска Божествена Литургија ќе започне утре во 09:00 часот (петок), на која ќе чиноначалствува Епископ г.Партениј, а по неа ќе следува свечена литија до местото Господинец.
Ве покануваме на серадосната пасхална прослава, заедно со нашите сестринства и братсво, да земете дел во небоземната радост.
Погледнете ТУКА како беше ланската 2023-та година
Култура
(ФОТО) Денес во Струга се одржа традиционална величествена Литија, кичевчани ја носеа Крнинската икона на Мајка Богородица
Денес 7-ми мај со голема чест и божја благодед бевме дел од традиционалната Литија во Струга со моштите на „Свети Георгиј Победоносец“, чудотворната икона на светецот и Крнинската икона на Мајка Богородица. Стотици граѓани верници уживаа во дефилето кое до сега собра најголем број гости.
И оваа година чудотворните икони во дефилето беа носени од угледни граѓани покрај братството и сестринството од Бигорски манастир, Рајчица и Пречиста, додека поворката беше водена и придружувана од Полицијата, а токму напред дефилираше коњаник со симбол на мирот во рака и со воена облека, речиси идентична од древното време во Римската империја.
Еордијата исто така ја водеа Дебарско-кичевската епархија, митрополитот Дебарско-кичевски г.Тимотеј и епископот Антаниски г. Партениј.
Оваа година за нас кичевчани е од големо значење, бидејќи Крнинската икона на нашата Мајка Божја – Богородица ја носеа угледна четворка, сите почести за нашите сограѓани Воислав Димоски, Јонче Митаноски, Сашо Стојкоски и Наум Личоски
На крај настанот се заврши со мини концерт на најмладите, учествуваа КУД „Бисер“ од Кичево, се пееја каланди од Хорот „Митрополит Козма Пречистански“, со голема радост на присутните
Во прилог преку нашиот објектив, погледнете ја нашата официјална галерија!
За многу години, вечна традиција!
-
Кичево1 ден
(ВИДЕО+ФОТО) Жива е Македонија! Со песна, оро и дефиле денес кичевските матуранти го завршија средното образование, честитки!
-
Хороскоп1 ден
Хороскоп за сабота (18 мај)
-
Хороскоп16 минути
Хороскоп за недела (19 мај)
-
Македонија1 ден
Старица од Прилеп измамена на телефон за наводно случена сообраќајка на нејзина внука
-
Магазин12 часа
Доаѓа iPhone Slim и ќе биде најскапиот модел во серијата
-
Автомобили2 дена
Tesla ќе потроши 500 милиони долари за мрежа за полнење
-
Магазин12 часа
Samsung Galaxy Z Fold 6 се појави во листата на Geekbench
-
Магазин12 часа
Apple ќе ги продава Vision Pro надвор од САД