Државниот ревизор во извештајот за условите во студентските домови и студентскиот стандард утврдиле низа недоследности од страна на МОН.
Со извештајот опфатен е периодот од 2019-2022 година, а забелешките главно се однесуваат на лошиот стандард на студентите, намалениот број на студенти, како и слабости при доделувањето на студентските стипендии. Што се донесува до студентите кои добиле стипендија за студирање во странство не е воспоставен систем за нивно ангажирање во земјата.
МОН не воспоставил систем за доделувањето на студентски оброк. Нотирано е дека не постои ниту апликација, ниту начин како ќе се потрошат тие 140 денари и дали тие се трошат за исхрана на студентите.
Сместувачките капацитети се стари, а под знак прашални се доведува и малата цена за сметување во студентските домови, која не е променета од 2008 година. Меѓу другото не се врши анализа на критериумите за прием во студентски дом.