Свет
Бебе било прогласено за мртво, а се разбудило за време на погребот во Парагвај
Бебето, кое беше прогласено за мртво кратко време по раѓањето, беше вратено во болница откако покажа витални знаци за време на нејзиниот сопствен погреб во Алто Парана, Парагвај, на границата со Аргентина и Бразил.
Девојчето било родено предвреме во петокот околу пладне со царски рез, откако нејзината 21-годишна мајка имала компликации во седмиот месец од бременоста.
Родителите на девојчето веќе изгубиле едно бебе, пишува парагвајскиот портал „Ултима ора“. Бебето било прогласено за мртво и предадено на семејството, заедно со изводот на починатите.
На бдеењето биле членовите на семејството, а непосредно пред да заминат на гробиштата, вујкото забележал дека бебето мрда со главата и ги известил присутните.
Девојчето почнало да покажува витални знаци 30 минути пред погребот и семејството ја вратило во болница, каде што била примена во инкубаторот, а потоа префрлена на интензивна нега.
Директорот на регионалната болница Сиудад дел Есте, Федерико Шродел, не исклучи дека се работи за каталепсија, патолошка состојба која во психијатријата често се нарекува „восочна флексибилност“.
„Поради предвремено породување тоа може да се случи, пациентот практично останува без витални знаци“, додаде специјалистот и појасни дека на секои пет милиони раѓања може да има по еден случај од овој тип.
Шефот на судска медицина на Министерството за јавно здравје во Парагвај, Пабло Лемир, објасни дека е можно да се работи за каталепсија, иако сè уште не се знае точно кој е феноменот што ја генерира оваа состојба во која телото ги има сите знаци на очигледна смрт.
„Нема отчукување на срцето или дишење, телото е неподвижно и без знаци на живот. Ова е вообичаено во некои случаи на шизофренија, Паркинсонова болест или злоупотреба на супстанции“, посочи тој.
Бебињата може да развијат состојба наречена BRUE (абнормално дишење кај новороденчињата), што може да предизвика знаци слични на привидна смрт.
Девојчето почнало да покажува витални знаци 30 минути пред погребот и семејството ја вратило во болница, каде што била примена во инкубаторот, а потоа префрлена на интензивна нега. Од друга страна, роднините веруваат во божјо дело и уверуваат дека девојчето ќе се вика Милагрос де Хесус и покрај неизвесните прогнози.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Опсадна состојба во училиште во Загреб: наставничка се заклучила во училницата со учениците поради деветгодишното дете и неговите родители
Во едно основно училиште во центарот на Загреб утрово имало опсадна состојба поради што интервенирала дури и полицијата.
Наставничката се заклучила во училницата со учениците бидејќи родителите на едно 9-годишно момче барале тој да влезе во училницата, иако пред два месеца бил отстранет од час поради обвинувања за врсничко насилство од страна на врсниците и нивните родители.
Бидејќи родителите постапувале агресивно, наставничката се плашела за нивната и за сопствената безбедност.
„За среќа, наставничката беше присебна и ѝ благодариме за храброста. Таа се заклучи во училницата со нашите деца и им кажа дека тоа е тест-вежба за кризна ситуација. Сите побрзавме во училиштето и сме во шок. Ова е страшно, низ што поминуваме и децата и ние со месеци“, вели мајката на еден ученик за „Јутарњи лист“.
Кога стигнала на училиште, како што додава соговорничката на „Јутарњи лист“, заедно со другите родители седнале со момчето пред одделението и инсистирале да влезат во училницата.
Рекоа дека им е преку глава од тоа што нивното дете не оди нормално на училиште со другите.
Според написите, тој бил сместен во библиотеката и наставата ја следел онлајн на компјутер, а секогаш бил придружуван од професорка. Момчето секогаш било придружувано од возрасен и не јадело во исто време со учениците од неговото одделение, но децата не се осмелиле да влезат во библиотеката.
Секојдневно ги навредувал своите врсници од класот, малтретирал и сексуално вознемирувал девојчиња и ги снимал со својот мобилен телефон. Истото тоа им го направил и на момчињата удирајќи ги силно по грбот и во неколку наврати со тупаници по главата. Често им се заканувал дека ќе ги убие нивните родители.
Како што пренесува медиумот, фрлил помало момче во воздухот, па дури и турнал еден врсник толку силно што со главата удрил во работ од масата и добил модринка под окото.
Ова биле некои од инцидентите што се случиле во училиштето од ноември минатата година за време на наставата или за време на паузата, а кои ги раскажуваат родителите на учениците.
Исто така, момчето редовно ја прекинувало наставата со викање, лаење или мјаукање.
Наставничката со месеци не го користела одморот и не излегувала од училницата бидејќи знаела дека децата не се безбедни.
Свет
Соседот на атентаторот на словачкиот премиер: Ми кажа зошто му се налутил
Неколку полицајци денеска застанаа на влезот од станот во кој живееше 71-годишниот поранешен чувар и поет Јурај Цинтула, осомничен дека пукал во словачкиот премиер Роберт Фицо.
„Шокиран сум. Тој беше љубезен, услужлив и мирен тип“, изјави неговиот долгогодишен сосед и пријател Мил Лудовит за британски „Гардијан“ стоејќи пред скромната сива станбена зграда, во која двајцата живееле 40 години.
Људовит рече дека последен пат го видел Цинтула во понеделникот и не забележал никакви промени кај него.
„Го познавам со децении. Ако нешто планирал, немало никакви знаци. Но, не можам да знам што имало во неговата глава“, рече тој.
Лудовит ги потврдил претходните медиумски извештаи дека Цинтула бил поранешен чувар, кој пишувал песни, пренесуваат локалните медиуми.
На видео објавено на „Фејсбук“, човекот за кој „Ројтерс“ потврди дека е напаѓачот, се гледа како вели: „Не се согласувам со политиката на владата“.
Људовит рече дека двајцата повремено разговарале за политика и дека Цинтула изразувал лутина поради, како што сметал, зголемените напади врз слободата на говор под водство на Фицо.
„Но, никогаш не би помислил дека тој е способен за такви постапки. Никогаш не зборуваше за насилство“, рекол соседот, а потоа додал: „Немам објаснување зошто го направи она што го направил“.
Министерот за внатрешни работи го опиша пукањето како политички мотивиран обид за атентат. На атентаторот му се заканува од 25 години затвор до доживотна затворска казна. Министерот потврди и дека атентаторот дејствувал сам и претходно учествувал во антивладини протести.
Европа
Словачкиот министер: „Словачка на работ на граѓанска војна“
Словачкиот министер за полиција, Матуш Шутај Ешток, изјави дека Словачка е на работ на граѓанска војна, пишува „Њуз.аз“.
„Од она што се случи, каква омраза посеаја многумина, денес се појави бура и практично сме на прагот на граѓанска војна. Веднаш престанете со ова“, рече тој.
Slovakia 'on brink of civil war' – Interior Minister
Matus Sutaj Estok insisted the assassination attempt on PM Robert Fico was carried out for political reasons
While Prime Minister Robert Fico is expecting a new surgical operation.
— Vexwift (@vexwift) May 16, 2024
Според последните информации, лекарите ја стабилизирале состојбата на словачкиот премиер Роберт Фицо за време на петчасовната операција.