Западен Балкан можеби ќе чека подолго на парите од Брисел за раст и развој

Deprecated: Implicit conversion from float 1714262242.04389 to int loses precision in /home/alfamk/public_html/wp-content/plugins/sneeit-framework/includes/utilities/utilities-views.php on line 40

Европскиот парламент и советот на Европската унија сè уште не успеале да се договорат за конечниот текст на одлуките за планот за раст за Западен балкан. Европските институции се под голем временски притисок, бидејќи во април ќе се распушти европскиот парламент, а за таа одлука неопходна е и согласност од тие институции.

Доколку следната недела не се постигне договор, постои ризик за усвојувањето на планот за раст за земјите од регионот да се чека зимата. За да почне распределбата на парите оваа година, ЕП треба да гласа во април.

Неофицијално како што објавува Радио Слободна Европа, иако позициите се доближени, сепак тие не се целосно усогласени. Новата и последна рунда преговори меѓу институциите ќе се одржи на 4 април. Тоа е датумот кога треба да се постигне целосна согласност за текстот на одлуката.

Инаку, одобрувањето на планот за раст за регионот треба да се чека до зима, бидејќи наесен ќе се формираат нови структури на институциите на ЕУ по европските избори што ќе се одржат во јуни.

Поради изборите за Европскиот парламент последната пленарна седница ќе се одржи од 21 до 24 април. гласањето за планот за раст беше планирано за последната пленарна седница.

Но, пред гласањето на пленарната седница, текстот на договорот за планот за раст треба да се договори со советот на ЕУ, потоа овој текст да биде одобрен од буџетските и надворешно политичките комитети на ЕП.

Високи функционери вклучени во меѓуинституционалните преговори за планот за раст за Радио Слободна Европа велат дека желбата е првите исплати да бидат извршени во втората половина на оваа година.

„Ако не се постигне договор меѓу советот на еу и европскиот парламент, тогаш овој наш план ќе биде загрозен“, изјавил еден европски дипломат за Радио Слободна Европа.

Планот за раст за Западен балкан беше претставен од Европската комисија во ноември 2023 година. Тој изнесува шест милијарди евра, од кои две милијарди се во форма на грантови, додека останатите четири милијарди се во форма на заеми со поволни услови.