Шокантна снимка од Италија: Неофашисти се наредија и го поздравуваа Мусолини
Во Донго, градот на езерото Комо каде беа уапсени Бенито Мусолини и неговата љубовница Клара Петачи, неофашисти облечени во црно маршираа и му оддадоа почит на поранешниот италијански диктатор.
Италијанскиот диктатор Бенито Мусолини и неговата љубовница Клара Петачи беа егзекутирани од членовите на италијанското движење на отпорот во селото Месагре-Џулино на 28 април 1945 година.
Неонацистите собрани на езерото Комо ја кренале десната рака и скандирале фашистичка песна.
Полицијата ги одвои неофашистичките демонстранти од стотиците други демонстранти кои ја пееја познатата италијанска антифашистичка песна „Bella Ciao“ за време на церемонијата посветена на Мусолини.
Neo-fascists mourn Mussolini on Lake Como, Italy.
The event was carried out with permission and in full coordination with the police.
Benito Mussolini, the deposed Italian fascist dictator, was captured and executed by Italian partisans in the village of Giulino di Mezzegra… pic.twitter.com/PNdHj9IFGi
— Clash Report (@clashreport) April 30, 2024
Протести беа забележани и во Предапио, родното место и гробиштата на Мусолини.
Церемонијата во чест на Мусолини се одржа додека италијанската премиерка Џорџа Мелони на конференцијата на нејзината партија Браќа на Италија во Пескара најави дека ќе се кандидира на европските избори.
Браќа на Италија има свои корени во италијанското социјално движење основано во 1946 година од страна на шефот на кабинетот во последната влада на Мусолини.
Мелони, која се приклучи на огранокот на младинското движење како тинејџер, се обиде да ја оддалечи својата партија од нејзините неофашистички корени, го осуди фашистичкото задушување на демократијата и инсистираше на тоа дека италијанската десница го предаде фашизмот во историјата пред неколку децении.
Претседателот на Сенатот и член на Браќа на Италија Игнацио Ла Руса зборуваше за бистата на Мусолини што ја поседува. Ла Руса со години беше критикуван затоа што никогаш јавно не се изјасни против фашизмот.
„Не морам да жалам што чувам биста на Мусолини дома, тоа е наследство од татко ми. Што требаше да направам? Фрли подарок од татко ми? ѝ го дадов на сестра ми. Го имам и Сталин. Де Гаспери, римскиот император“, рече Ла Руса.