Гостивар
Сестринството од манастирот на Светото Благовештение – Пречиста Кичевска ги поканува верниците за достојно одбележување на манастирската слава
Сестринството од манастирот на Светото Благовештение – Пречиста Кичевска информира дека се е подготвено за достојно одбележување на манастирската слава и ги повикува верниците да бидат дел во оваа радост.
- Минувајќи ги деновите на благословениот пост, се наоѓаме веќе на неговата средина, во која е забодено чесното дрво на Крстот Христов за поклонение, за да нацрпиме сила за до крајот. Но оваа година ни се дава удвоена сила поради тоа што до Крстот Христов е и Пресветата Богородица, односно во Крстопоклона Недела се слави и Благовештението на Пресветата. Затоа, со особена радост ве покануваме заедно достојно да го одбележиме, стои во објавата на Бигорскиот манастир, под чии закрила е и овој манастир.
Акатистот на Пресвета Богородица ќе биде денеска во 19 часот, утре во 16 мала вечерна, а сеноќното молитвено бдение ќе започне во 20:30 часот, додека Света Архиерејска Литургија ќе биде отслужена одделно од бдението и ќе започне во недела, во 9 часот.
- На наша голема чест и радост на бдението молитвено ќе присуствуваат митрополитот на Имврос и Тенедос г. Кирил од Вселенската Патријаршија, митрополитот на Дидимотихо, Орестијада и Суфли г. Дамаскин од Црквата на Грција, како и митрополитот Европски г. Пимен, Епископот Делчевско-каменички г. Марко и секако, нашиот Старец и игумен, епископ Антаниски г. Партениј, се додава во објавата.
Сестра Харитина, старешинка на манастирот „Пресвета Богородица-Пречиста“ – Кичево, за МИА рече дека во чест на празникот Благовештение, кој е христијански празник на жената, сестринството подготвило многу интересни содржини за сите присутни.
- Посебна чест ни е тоа што ќе имаме прилика на секоја жена, мајка, девојка, да и подариме картичка со икона од Пресвета Богородица, во спомен на Благовештението на Мајката Божја кој е хростијански празник на жената и мајката, вели сестра Харитина.
Како и изминатите години и овој пат се очекува масовно присуство на верници од сите делови на државава, во овој познат средновековен манастир во близина на Кичево, а кој е основан 1316 година.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот