Рама и Курти се сретнаа во Тирана

од Stefanija Kuzmanovska

Косовскиот премиер Албин Курти, кој денеска е во посета на Тирана, по средбите со шефот на државата Бајрам Бегај и претседателката на парламентот Линдита Никола, се сретна и со својот колега Еди Рама.

„Со мојот специјален пријател, премиерот на Косово, Албин Курти, за време на денешниот ручек на кој детално разговаравме за Охридскиот договор и натамошниот напредок во процесот на неговата имплементација.

На Албин му ги изразив сите мои симпатии за храброста и реализмот со кои тој направи важни чекори кон нормализација на односите со Србија. Го охрабрив премиерот да преземе понатамошни чекори, како за гаранција на српските општини во рамките на асоцијација која го гарантира самоуправувањето на српската заедница, како и функционирањето со потребните гаранции, на Српската црква во нејзините верски објекти и нејзините богослужби во Косово, уверувајќи го дека во овој не лесен процес ја има мојата целосна поддршка“, напиша Рама на Фејсбук.

Додава дека се договориле следната заедничка седница на владите на двете земји да се одржи во јуни.

Ова ќе биде деветта заедничка седница на двете влади, по онаа во јуни минатата година.

Слични содржини