Нашиот Влатко Стефановски ќе добие свои signature жици за гитара на светски познатата компанија Thomastik-Infeld од Виена
Охрид, 6. мај 2024 (ОХРИДПРЕС) – Легендарниот македонски гитарист и композитор Влатко Стефановски ќе добие свои signature жици за гитара на светски познатата компанија Thomastik-Infeld од Виена.
Покрај него, таков договор оваа компанија има само уште со George Benson. Жиците со потпис на Влатко треба да се појават во продажба пред ова лето.
Во интервју за емисијата „U svom filmu“ на HRT неодамна тој откри и дека го комплетира новиот албум кој ќе се вика „Muscle Memory“. Новиот материјал, за кој гитарскиот виртуоз вели дека го работи без брзање и временски рамки, треба да биде објавен за неколку месеци.
Покрај новиот албум, Влатко пишува и автобиографија која ќе открие многу лични моменти, длабоки емоции и ситуации кои биле драматични или еуфорични“. (Крај)
извор: ОхридПрес фото: архива
| @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |
