Белгиската телевизија VRT престана да го емитува Изборот за песна на Евровизија за да го осуди израелското кршење на човековите права и слободата на медиумите и повика на прекин на огнот во Газа, јавува Anadolu Agency.
VRT, која емитува програма на фламански, синоќа во Малме, Шведска, во знак на протест против израелските напади во Газа, го прекина емитувањето на второто полуфинале на Евровизија.
„Ова е синдикална акција. Го осудуваме кршењето на човековите права во Израел. Покрај тоа, Израел ја уништува слободата на медиумите. Затоа, правиме привремена пауза во нашето емитување. Прекин на огнот, сега“, се наведува во соопштението.
Belgian TV right before the start of Eurovision:
"We condemn the violations of the Israeli state. Israel is also destroying the freedom of the press. That's why we temporarily interrupt the screen." pic.twitter.com/YMEgcLdHyM
— Pim (@EscPim) May 9, 2024
Двајца белгиски министри претходно изјавија дека Израел не треба да учествува на Изборот за песна на Евровизија се додека продолжуваат нападите врз цивилите во Газа.
Уметниците кои ги претставуваат Белгија, Португалија, Велика Британија, Ирска, Швајцарија, Норвешка, Данска, Литванија, Финска и Сан Марино на Изборот за песна на Евровизија повикаа на итен и одржлив прекин на огнот во Газа.
Различни сектори од многу европски земји повикаа да му се забрани учеството на Израел во финалето на Евровизија, кое ќе се одржи во Малме на 11 мај.