Голем инцидент во Србија: Нанели се „исклучил“ и нокаутирал играч на Црвена Звезда (ФОТО)

Вечерва се игра третиот натпревар од финалната серија во АБА лигата меѓу Партизан и Црвена Звезда, меч кој е да се биде или не за домаќините, меч пред кој се случи голем инцидент во кој се инволвирани играчи од двете страни.

Српските медиуми пренесуваат дека ѕвездата на „црно-белите“, Џејмс Нанели влегол во конфликт со Стефан Лазаревиќ и му нанел тешки телесни повреди.

Инцидентот се случил пред почетокот на утринскиот тренинг на „црвено-белите“ во белградска Арена, а во таа прилика Лазаревиќ го извлекол подебелиот крај.

Од Звезда објавија фотографии од повредениот Стефан и воедно побараа реакција од властите во Србија, но и од АБА лигата.