Џејми Карагер е дел од фантастичното трио на ЦБС Спортс заедно со Тиери Анри и Мика Ричардс задолжено за натпреварите од Лигата на Шампионите, а екс-дефанзивецот на Ливерпул синоќа доби „специјална задача“, од лице место од Дортмунд да известува за дуелот меѓу Борусија и ПСЖ.
Мечот понуди бројни возбудувања, а Карагер не криеше колку е импресиониран од атмосферата, откако и самиот мина десетина минути навивајќи заедно со „жолтиот ѕид“, меѓу најверните навивачи на Борусија.
Тој го дочека крајот на мечот со светнати очи, а по прашањето на колешката Кејт Абдо дали е доволно трезен да му направи интервју на Џејдон Санчо, следеше искрен одговор од Карагер.
„Добро прашање, затоа што не јадев премногу. Зедов еден чизбургер околу 2.30. Тоа може да е добро објаснување зошто јазикот ми е врзан. Испив околу осум пива заедно со „жолтиот ѕид“, имам ново семејство и пријатели“, со насмевка одговори Карагер.
Jamie Carragher smashed after 8 pints, interviewing Jadon Sancho…
He’s living the dream 😂 pic.twitter.com/1of58hLNK0
— EPL Bible (@EPLBible) May 2, 2024
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
