Спорт
Вињалес ја искористи грешката на Бањаја, победи на спринтот во Португалија
Шпанскиот мотоциклист Маверик Вињалес победи на спринт трката за Големата награда на Португалија. Вињалес стана првиот возач кој запишал победа со три различни производители. Пред овој триумф со Априлија, тој победуваше со Сузуки и Јамаха.
Шпанските возачи го обележаа денот во Португалија. Зад Вињалес се пласираа Марк Маркез во Гресини, а трет Хорхе Мартин во Прамак Дукати.
Моментот кој практично одлучи Шпанците да го освојат подиумот се случи на четири круга пред крајот. Тогаш, лидерот во трката Франческо Бањаја, кој имаше сериозна предност пред Вињалес погреши и излета од патеката и загуби три позиции.
До крајот се водеше жестока битка за првите три места. Хорхе Мартин изврши сериозен притисок врз Вињалес, а откако не успеа да го помине, во последниот круг, грешката на Мартин ја искористи Марк Маркез.
Петтата позиција ја освои Џек Милер во Ред Бул КТМ, следеа Енеа Бастианини во Дукати, Педро Акоста во Ред Бул Тех 3, Алеиш Еспаргаро во Априлија, Фабио Квартаро во Јамаха, а топ 10 ја заокружува Раул Фернандес во Трекхаус.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Болоња на чекор до пласман во ЛШ
Фудбалерите на Болоња забележаа многу важна победа на стадионот „Диего Армандо Марадона“ во Неапол.
Болоња го победи Наполи со 2:0.
Избраниците на Тиаго Мота, победникот го решија во раната фаза од натпреварот. Најпрво Ендој погоди во деветтата минута, а три минути подцна предноста ја зголеми Пош.
Наполи можеше да ја намали предноста на гостите во 21. минута, но Матео Политано промаши пенал.
Болоња со 18. победа во сезоната дојде на чекор до пласман во Лигата на шампионите, прв во клупската историја.
Во следното коло Болоња ќе го пречека Јувентус.
Спорт
Буденхолцер e новиот тренер на Феникс Санс
Американскиот кошаркарски стручњак Мајк Буденхолцер е новиот тренер на Феникс Санс, објави НБА.
Тој го замени Френк Вогел на клупата на Феникс, кој во четвртокот доби отказ по една сезона во клубот.
Од Феникс не ги соопштија деталите од договорот, а американските медиуми објавија дека договорот е на пет години и е вреден околу 50 милиони долари.
Во 2021 година, Буденхолцер ја освои титулата со Милвоки. Тогаш Буденхолцер со Милвоки го победи токму Феникс.
Феникс никогаш не ја освоил титулата, а во својата 56-годишна историја три пати играл во големото финале.
По пет години во Милвоки, двократниот добитник на наградата за најдобар тренер на НБА, Буденхолцер доби отказ во 2023 година, по што замина на едногодишен одмор.
Спорт
Голот на Адеми му ја донесе шампионската титула на Динамо
Динамо Загреб, вечерва ја обезбеди 25.шампионска титула во првенството на Хрватска. „Модрите“ го победија Осиек со 1:0, а титулата ја обезбедија багодарение на поразот на Риека во Вараждин (3:1).
Риека, во минатото коло загуби од Динамо на домашен терен и очигледно по тој пораз остнаа без амбиции. Нивниот пораз од Вараждин го искористи Динамо, победи со голот на Аријан Адеми во 73.минута и ја обезбеди титулата.
Динамо по 25. стана шампион, Хајдук има шест титули, Риека и Загреб освоија по една шампионска титула. Овие четири тима се единствените хрватски шампиони од 1991 година.