Press "Enter" to skip to content

СВР Битола: битолчанец паднал од мопед и тешко се повредил, апсење за дрога, пронајдена стара граната

На 28.02.2025 околу 23 часот во СВР Битола било пријавено дека на крстосницата на ул.„8 Септември“ и ул. „Арон Ароести“ во Битола се случила сообраќајна несреќа во која 46 годишник од Битола, кој управувал мопед “јијинг“ со битолски регистарски ознаки, изгубил контрола и паднал на  коловозот. Во несреќата возачот на мопедот се здобил со тешки телесни повреди, констатирани во Клиничката болница Битола. Увидот го извршила увидната екипа на СВР Битола.

На 28.02.2025 во 19.40 часот, на ул.„Прогрес” во  Битола, полициски службеници од СВР Битола ги лишиле од слобода две лица, 29 годишник од Битола и 21 годишник од с.Суводол, демирхисарско. При преглед кај едното лице биле пронајдени паковки со грутчеста материја. По документирање на настанот, ќе следува соодветна пријава.

На 28.02.2025 во 11.56 часот, во СВР Битола било пријавено дека во дворот на Педагошкиот факултет на ул. „Генерал Васко Карангелевски” во Битола била  пронајдена граната. Од страна на пиротехничар од Дирекцијата за заштита и спасување Битола истата е подигната и утврдено е дека се работи за  артилериска граната калибар 75 мм од Прва светска војна. 

More from ВестиMore posts in Вести »