Фудбалерите на Реал Мадрид пристигнаа во Германија каде утре од 21 часот силите ќе си ги одмерат со Баерн Минхен во првиот полуфинален натпревар во Лигата на Шампионите.
При излегувањето од клупскиот автобус дојде до мал инцидент откако фан успеа за момент да му побегне на обезбедувањето и се упати кон Лука Модриќ кој во тој момент се најде пред автобусот.
Ha habido un pequeño susto en las inmediaciones del hotel del Real Madrid con un aficionado que se saltó el cordón de seguridad y ha sido detenido. En @marca han captado el momento: pic.twitter.com/xm2tIB6BFi
— Madrid Sports (@MadridSports_) April 29, 2024
Обезбедувањето брзо интервенираше и спречи поголем инцидент, а капитенот на хрватската репрезентација откако за миг застана да види што се случува продолжи по својот пат.
За жал, немилиот инцидент не помина без повреди. Навивачот заработи повреда на главата, а откако му беше укажана медицинска помош проговоре и за медиумите објаснувајќи ја својата постапка.
„Добро сум, малку ме боли главата. Само сакав да го запознаам Лука Модриќ, ова прв пат во животот да го видам во живо. Знам дека погрешив, но само сакав да го запознаам. Ова беше најдобриот момент од мојот живот“, изјави за „Марка“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
