Таа е една од најпознатите македонски поп пејачки. Има отпеано голем број на хитови, кои и ден денес се преработуваат и пејат. За жал, повеќе не живее во Македонија, но, и таму каде што живее и работи е среќна и задоволна. Не сокрива дека е носталгична и дека честопати и недостасува Македонија. После 25 години музичка кариера таа денес работи нешто друго што воопшто или индиректно е поврзана со музиката.
Почитувани, во претпоследниот ден од оваа 2023-та година, во новогодишниот серијал на интервјуа ексклузивно и само за Вас, познатата македонска поп пејачка Верица Пандиловска.
Уживајте!
Музика24: Кон крајот од уште една интересна година редно е да сублимираме по што ќе ја паметиме… За волја на вистината поминавме кризи, инфлации, замрзнување-одмрзнување на цени, протести, но имаше и убави моменти, музички фестивали, нови хитови, убави и интересни концерти… Што Ви остана како белег, сеќавање на 2023-та година?
Верица Пандиловска: Во година полна со неочекувани предизвици, 2023-та година во светот беше период на значителна нестабилност и турбулентности. Од глобални економски кризи и здравствени предизвици до политички несогласувања, сите овие фактори имаа широк спектар на влијание врз секој аспект на животот.
Во свет во кој владеат финансиски, медицински и воени предизвици, глобалната нестабилност има големо влијание. Македонија, како мала земја на Балканот, не е изолирана од овие предизвици. Оваа глобална состојба се одразува и во нашата држава. Во последната деценија, мојата професионална фокусираност е на економијата и пазарите на капитал, и тука е важно да констатирам дека во економијата не постои вакум, туку е во тесна врска со глобалните пазари. Политичките конфликти се интегрален дел од овој процес, што има големо влијание на тргувањето. Секој сектор и вид на инвестиции реагира на овие непостојани услови. Важно е за сите нас, без разлика на статусот, да го разбереме ова. Сите ние мали и обични луѓе сме дел од еден глобален пазар што значи дека нашите одлуки и дејства можат да бидат под инфлуенца на ситуациите што се одвиваат надвор од нашата земја.
25 години професионално се бавев со музика и во тој контекст ќе констатирам дека музиката, спортот и уметноста треба да претставуваат катализатор за општествени промени. Во 2023 кратко престојував во Македонија. Во тој период имав можност да проследам културни случувања, па би рекла дека ме радува фактот што се појавуваат млади прогресивни и талентирани уметници кои сеуште имаат ентузијазам и го започнуваат својот професионален уметнички пат.
Горда сум што во класичната, забавната поп музика генерално младите страсно го изразуваат својот став и го користат за инспирации на целото општество. Браво за нивната посветеност и позитивна инфлуенца во заедницата.
Уметноста треба да е средство за промена и влијание врз општеството!
Музика24: За разлика од предходните неколку години, оваа година многуте музички фестивали (кои за среќа се уште постојат) понудија голем број на композиции и песни кои претендираат да бидат хитови. Која песна според Вас ја одбележа 2023-та година и го заслужува епитетот Хит на годината?
Верица Пандиловска: Се трудам да ги следам генерално најновите достигнувања, светската музичка сцена и новостите во областа на музиката, глобалните трендови, но не би можела да ви дадам конкретен одговор. Многу ми е драго што во Македонија има фестивали кои се генератор на нови млади пејачи, секако и на оние кои се веќе етаблирани и реномирани на македонската музичка сцена. Во таа насока ќе речам дека за жал, поради мојата локација на живеење и специфичноста на информациите кои се потребни за да дадам некаков конкретен одговор со име на песна или албум не би можела, не располагам со доволно конкретни информации за музичките хитови во РС Македонија во текот на 2023 година.
Музика24: Се приближува популарната новогодишна еуфорија кога секојдневно се случуваат забави, афтер парти, шопингувања… Во потрага сме по најубавиот подарок за најсаканите. Дали и Вас ви се случува во овој период од годината да бидете еуфорични, односно, како делува целата новогодишна еуфорија на Вас и Вашето секојдневие?
Верица Пандиловска: Новогодишниот период со својата еуфорија и возбуда, е невистина време кога сите бараме начини да ги разубавиме моментите и да го обележиме крајот на годината. Лично за мене, овој период обично доаѓа со чувство на носталгија, а исто така и со време за размислување и рефлексија за минатото и иднината. Ваквите моменти се моменти за споделување убави моменти со семејството и блиските, како и време за забава и одмор. Иако новогодишната еуфорија може да биде заразна и да донесе радост и возбуда, за мене тоа е време кое се ужива на посебен начин – со споделување на моменти со оние што ги сакам и со размислување за нови цели и можности што ги носи иднината. Во основа, за мене, новогодишниот период е време за подготовка за нови предизвици и за збогатување со нови искуства.
Музика24: Кога веќе ги споменуваме новогодишните подароци, како одбирате што да подарите, односно, според што се водите кога бирате новогодишен подарок?
Верица Пандиловска: Изборот на новогодишен подарок за мене е секогаш интересен процес. Се обидувам да пристапам со допир на личноста и внимание кон индивидуалните интереси и потреби на лицата на кои им подарувам. Важно е за мене да одберам нешто што ќе биде значајно и посебно за нив, нешто што може да го изрази моето вооодушевување кон нив и нивната личност. Тоа може да биде нешто практично, некој сувенир, книга или пак нешто што ќе ги израдува и развесели. Се обидувам да го вклопам тоа во нивните интереси или хобија, а понекогаш и да изберам нешто што може да го обележи специфичниот период во нивниот живот. Процесот на одбирање на подарок за мене е префинета радост, бидејќи тоа е начин за изразување на мојата благодарност и пријателство кон нив.
Музика24: Денес е вистинска реткост некој да праша дали сте среќна личност? Дали практикувате да се интересирате за блиските луѓе што ги прави среќни и колку се трудите да стимулирате убаво расположение?
Верица Пандиловска: За мене, разговорот за среќа и благосостојба на блиските луѓе е важен дел од мојот дневен живот. Сметам дека е важно да се интересираме за среќата на оние околу нас и да ги поддржуваме во нивните постапки за да ги остварат своите цели и да ја постигнат својата благосостојба. Обично го стимулирам убавото расположение на блиските луѓе преку активно слушање, поддршка и разговори кои ги воведуваат во позитивен контекст. Исто така, се обидувам да ги поддржам во нивните интереси и да се вклучам во активности или разговори кои можат да им ги подобрат расположението.
Среќата и благосостојбата на блиските луѓе за мене се приоритет и се трудам да ги поддржувам и мотивирам во секој аспект на нивниот живот.
Музика24: Сите ние правиме грешки и никој не е безгрешен. Што е она што во 2023-та да имате можност би го смениле или би посакале воопшто да не се случило?
Верица Пандиловска: Секоја година носи со себе можности за раст и учење, исто така и моменти кои ги посакуваме. За мене, 2023-та беше време за учење и развој, но и време кое ме потсети на значењето на рефлексија и подготвеност за предизвиците. Во спектарот на искуствата, имаше мал дел на ситуации за кои, доколку бев во можност, би ги уредила или реагирала можеби поинаку. Би било благопријатно да имав можност да предвидам или реагирам поинаку на одредени моменти.
Секоја ситуација што ја доживеав во 2023-та ме научи нешто ново и ми помогна да созреам како личност. Грешките и предизвиците што ги доживеав се дел од процесот на учење и раст.
Од глобален аспект, доколку би имала можност и влијание, би се посветила на тоа сите ние да ја промениме патеката на светските конфликти и насилство. Големите конфликти и насилството се извор на големи болки и загуби за невините луѓе ширум светот. Постојат толку многу невини жртви и трагедии кои би можеле да се избегнат или да се намалат ако светот имаше помалку насилство и повеќе разбирање и толеранција. За мене, мислење во правец на мир и ненасилство е срцето на хуманоста и почитувањето на сите животи. Нашата способност да се изгради мирна и подобра светска заедница се базира на нашата способност да го заштитиме и одбележиме правото на мир за сите.
Музика24: Која песна или рефрен деновиве го потпевнувате, односно, дали денот го започнувате со песна и музика?
Верица Пандиловска: Имам одредени песни кои ми се драги и често се враќам на нив, но не го започнувам секој ден со конкретна песна. Музиката за мене е lifestyle, начин на уживање и живот. Времето за слушање на песни може да биде различно. Но, има моменти кога некои песни ми ги подигнуваат расположението и ги пеам, се чувствувам енергично или инспирирано од нив. Но тоа е повеќе мојот избор во текот на денот, отколку рутина.
Музиката за мене е фантастичен начин за навлегување во различни музички светови и можност за да си го разубавам денот со разнообразие. Музиката е толку разновидна и може да нè носи на различни места емоционално и креативно.
За мене, исто така, различните жанрови имаат својата улога во различни контексти. На пример, поп-рок песни ми се за мотивација и позитивна енергија, а класичната музика понекогаш ми служи за да ја проширам перспективата и да се воодушевувам на убавината на инструменталната музика. Диско музиката е неверојатна, таа ми служи за забава! Го има во неа тој весел и заразен drive ритам што често чинам сите нас нè носи кон добро расположение и ја носи енергијата на забавата. АББА е легендарен бенд и нивните песни се вечни хитови. Во Холандија каде живеам, и каде што традицијата на АББА е силно присутна, е фантастично да се слуша нивниот мелодичен звук и да се ужива во таа енергија.
Музика24: Дали се уште верувате во легендата за Дедо Мраз и дали за него имате годинава некоја порака?
Верица Пандиловска: Легендата за Дедо Мраз е прекрасна традиција која, и покрај сите различни уверувања, носи многу радост и забава за сите нас. Мојата порака за Дедо Мраз оваа година би била:
“Драги Дедо Мраз, иако можеби не те гледаме како реален лик, твојата симболика на добрина, волшебството на дарување и радост што ја носиш во срцата на луѓето е нешто што треба да го чуваме и негуваме. Нека оваа година биде време за споделување на радост, за ширење на добрина и за споделување на љубов на сите околу нас. Благодарам за секоја искра на среќа која ја носиш во нашите срца. Среќен празник!”.
Музика24: Веќе сме на прагот на една нова, се надеваме и веруваме поуспешна и поубава година за сите нас. Кои се Вашите пред се професионални планови и замисли и што би сакале да се случи ново на приватно поле во Новата 2024-та година?
Верица Пандиловска: На професионално поле, се надевам да продолжам со развојот на моите вештини и да се ангажирам во различни проекти кои можат да го збогатат моето искуство и да и дадат нови димензии на мојата работа. Исто така, се надевам за понатамошно усовршување во областите што ги имам интерес и страст за учење.
На приватен план, би сакала да се посветам на здравјето и благосостојбата, да го најдам балансот помеѓу работата и одморот, и да го прославам времето со блиските и пријателите, како и да ги проширам односите и да се поврзам со нови луѓе и искуства.
Музика24: Наскоро не очекува дочекот на Новата 2024-та година, па каде планирате да ја дочекате и со кого?
Верица Пандиловска: Новата година е прекрасна можност да се посветиме на здрави навики и нови почетоци, а делењето на тие моменти со луѓето кои ги сакаме е неверојатно важно и специјално. Дочекот на новата година оваа година ќе биде семеен , овој пат во Германија – ќе го испратиме стариот годишен циклус со мојот сопруг и семејните пријатели, со зборови на благодарност за моментите што ги поминавме заедно. Новата година ќе ја дочекаме со надеж и радост, заедно создавајќи спомени и започнувајќи го новиот годишен пат со близок круг на луѓе кои ни значат.
Музика24: Новата година не е комплетна без Дедо Мраз, без неговите ирваси, без даровите, но и без желбите. Кои се вашите желби за Новата 2024 година?
Верица Пандиловска: За Новата 2024-та година моите најсилни желби се поврзани со општествените предизвици и благосостојбата на сите. Мојата првична желба е за свет каде секој има здравје и безбедност, каде гладните се нахранети, болни се оздравени, а оние во потрага по работа наоѓаат можност за занает или вработување. Мојата голема желба е за мир, заедничка соработка и емпатија помеѓу луѓето, за елиминирање на светските конфликти и болести. Нека новата година донесе во секој од нас светло на надеж и можност за подобро утре за сите.
Музика24: Со новогодишната порака би го завршиле овој забавен раговор, па ајде да чуеме на кој начин Вие ќе им ја честитате Новата година на вашите фанови, обожаватели, сите оние кои што ве почитуваат и сакаат и секако на читателите на единствениот музички портал во Македонија, Музика24?
Верица Пандиловска: Со голема радост и ентузијазам, ја честитам Новата година на сите мои фанови и обожаватели! Нека Новата 2024-та година биде период на среќа, здравје и успешни почетоци за секој од вас. Ви благодарам за сите моменти на поддршка и моменти што ги споделуваме заедно. Нека новата година ви донесе безброј нови приказни, успеси и многу љубов.
На сите ваши читатели им посакувам неизмерна среќа и радост!
Среќна Нова година!
Интервјуто го подготви: Иван Јосимовски