Македонија
Спасовски: Заврши времето на двојните стандарди, битката против криминалот не трпи селективност
Во интервјуто за Радио Слободна Европа, министерот за внатрешни работи Оливер Спасовски, ги коментираше обвинувањата од опозицијата во врска со наводни повластени криминални структури, категоризирајќи ги како комплетни дезинформации кои никако не соодветствуваат со реалноста.
Наведувајќи дека располага со информации за средби на дел од овие криминални структури токму со највисоките претставници на опозицијата, најверојатно поттикнати дека на тој начин ќе може да се помогне во некој друг аспект, тој порача дека овие активности не смеат да бидат со цел да се даде некаква политичка поддршка на било кој криминалец во државата.
Покрај ова, Спасовски истакна дека најголемиот дел од криминалните групи коишто опозицијата ги посочува во своите дезинформации, веќе се наоѓаат на издржување казна затвор и дека станува збор за достапни и лесно проверливи информации, додека за сите други криминални групи кои се занимаваат со рекет, уцени и други криминални активности, борбата интензивно продолжува.
„Не можете во исто време да имате борба против криминалните структури и да заштитувате некого. За тоа сведочат граѓаните, за тоа сведочат и сопствениците на угостителските објекти и оние кои ги посетуваат. Нема никаква селективност, бидејќи битката против криминалот не може да подразбира селективност. Заврши времето на наши и ваши, на заштитени и привилегирани, наспроти сите останати. Заврши времето во кое вие како политичар ќе преговарате за да амнестирате некои свои, кои што имаат криминални активности, визави т.н. „уставобранители“ коишто се во затвор, а за нив нема да гласате во Собранието. Знаете, тие двојни стандарди веќе не поминуваат“, потенцираше министерот Спасовски. Одговарајќи на прашањето до каде е истрагата за неодамнешното убиство на членови на криминални структури во угостителски објект под Кале, министерот Спасовски посочи дека има сериозен напредок во истрагата, со обезбедени добар дел аргументи, факти и докази коишто одат во прилог на целосна разврска на овој случај. „Мотивите се пресметки помеѓу криминални групи или внатре во криминална група и тоа на крај истрагата ќе го покаже и ќе го докаже. И токму тука сме насочени со акцијата ‘Безбеден град’ – да се оневозможи такви криминални структури да ги загрозуваат мирот, стабилноста и јавниот ред и мир на граѓаните. Затоа ќе бидеме уште пожестоки и поинтензивни, а оваа акција во следниот период ќе ја прошириме и по другите градови, бидејќи не сакаме да оставиме простор такви криминални структури да бидат формирани во било кој град во државата“, беше категоричен Спасовски.©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Бојмацалиев: Над 603.000 патници на Меѓународниот аеродром Скопје, во првото тримесечје од 2024
Дополнителниот заменик министер за внатрешни работи Митко Бојмацалиев заедно со директорот на БЈБ Сашо Тасевски, и помошник директорот на Одделот за граничи работи и миграции, Сашо Смилески, остварија работна средба со раководството на полициска станица за граничен проверки „Меѓународен аеродром” Скопје. Делегацијата го посети терминалот на аеродромот, како и Граничната меѓуагенциска единица (ГМЕ). Притоа, од страна на раководството беа брифирани за резултатите на оваа организациска единица при Регионалниот Центар Север во рамки на Бирото за јавна безбедност на МВР.
„Во првото тримесечје на Полициската станица за гранични проверки „Меѓународен Аеродром”, во однос на работата на оваа организациска единица бележиме зголемен проток на патници во однос на истиот период лани, со вкупно регистрирани 603.537 од кои домашни 296.728 и странски 306.809 патници, а во фреквенција биле и 2507 домашни и странски воздухоплови. Во однос на регистрирани кривични дела, бележиме два откриени случаи на фалсификувани документи. Поднесени се 65 прекршочни пријави и извршени 92 претреси на лица, лишени од слобода 14 лица, приведени 78 лица”, информираше Бојмацалиев по средбата.
Македонија
Османи: Најголемо понижување е да се договараат коалиции без да се слушне волјата на народот
ДУИ смета дека е понижувачки што партиите договараат коалиции пред одржувањето на парламентарните избори.
Министерот Бујар Османи, во својство на портпарол на ДУИ, го повтори партискиот став дека волјата на народот мора да се почитува.
„Не е чесно пред граѓаните да зборуваме за коалиции без да се слушне нивната волја. Секој кој говори на таа тема, го омаловажува народот кој допрва треба да гласа“, рече Османи, одговарајќи на новинарски прашања.
Тој ја коментираше и недамнешната изјава на Изет Меџити дека македонските партии не сакаат да коалицираат со ДУИ, велејќи дека целта на Интегративците не е да бидат симпатизирани од другите партии.
„Нашата цел не е да не’ симпатизираат. Таа извртена логика дека албанските политички партии треба да се борат за симпатиии кај македонските партии е навредлива. Уште понавредливо е да зборуваме за коалиција на 9 дена пред избори. Фактот дека политичките партии прават калкулации, за мене е потценување на демократијата и достоинството на секој народ“, рече Османи.
Дополнително во однос на претседателските избори, Европскиот фронт деновиве ќе одлучи како ќе настапи во вториот круг, односно кого ќе поддржи.
„Јас бев кандидат на Европскиот фронт и заеднички ќе одлучиме деновиве како ќе се поставиме во вториот круг“, рече Османи.
За него, слоганите на ВМРО-ДПМНЕ, се обид да се омаловажи достоиснтвото на Албанците.
„Мицкоски успеа да врати едно сеќавање кај Албанците за 100 годишното ропство, омаловажување и починување. Да иритира нерв кој мислевме дека е длабоко сокриен. Да врати сеќавање од Југославија и Рахман Мурина. Овој обид за омаловажување на достоинството на секој Албанец го мобилизираше народот. Не само тие што ме поддржуваа, туку и гласачите на опозицијата кои не гласаа за мене. Велат веќе не е прашање помеѓу Европски фронт и Вреди, ова е битка за нашето достоинство. Времето на Мурина е завршено оддамна и закопано“, рече Османи.
Прашан за скандирањето УЧК на митинот на ДУИ и која е потребата од тоа, Осмни рече дека Ахмети веќе ја коментирал темата, потоа повторно обвинувајќи ја ВМРО-ДПМНЕ, односно слоганите кои, како што вели, ги извадиле и политичарите од својата кожа.
„Да повикате државата да биде повторно твоја е најсрамниот и најшовцинистичкиот повик што може да се претстави во една мултиетничка држава. Национализмот раѓа национализам. Овие сили го вратија тоа чувство“, рече Османи.
Повтори дека позициите на ДУИ се јасни, односно почитување на Преспанкиот договор, Договорот за добрососедство, Охридскиот договор и ветигот – опишувајќи ги како прашања без кои не се може. Без договор за Уставни измени, според Османи, нема да може да продолжи да функционира било која влада, оти не може да се функционира без ЕУ.
Македонија
(Видео) Ковачки: Се обврзуваме на реконструкција на патот Берово – Струмица, Берово – Виница, Берово – Пехчево – Делчево и 5,5 милиони евра за општината
„800 милиони евра директна помош за нашите земјоделци, за нашите сточари. 800 милиони евра за навремени и зголемени субвенции. 5.5 милиони евра директна помош за општина Берово“, рече Драган Ковачки, носител на изборна единица 3.
„Покрај ова планираме инфраструктурно да го развиваме овој крај. Ќе го реставрираме патот Берово – Струмица, ќе направиме реконструкција на патот Берово – Виница со можност за проширување со трета лента. Исто така ќе реставрираме патот Берово – Пехчево – Делчево.
На 8 мај да излеземе и да дадеме поддршка за број 2, за промени и реформи, за напредок на Македонија“, изјави Драган Ковачки, носител на изборна единица 3.