Спорт
Катастрофа на Ливерпул во Вулверхемптон, Јунајтед го победи Кристал Палас
Пет натпревари се одиграа во Премиер лигата, во рамките на 22.коло. Ливерпул продолжува со лошата серија на резултати бидејќи претрпе пораз од 3:0 кај Вулверхемптон. Манчестер јунајтед го победи Кристал Палас со 2:1 на „Олд Трафорд“.
Лошо, лошо, многу лошо. Вака изгледа сезоната на Ливерпул, а излез од кризата нема. Не само што тимот на Јирген Клоп претрпе уште еден пораз од Вулверхемптон, туку и перформансите се далеку под нивото на кое „црвените“ не навикнаа во последните многу години.
Практично се беше готово за 12 минути. Најпрво во петтата минута Џоел Матип си постигна автогол, по ударот на Хванг. а само седум минути подоцна, Досон го удвои водството. Конечниот резултат го пистави Рубен Невеш во 71.минута.
Манчестер јунајтед до 70. минута апсолутно ја контролираше играта на „Олд Трафорд“, а потворно блескаше Маркус Рашфорд. По неговиот удар Јунајед добија пеал кој го реализираше Бруно Фернандеш, а потоа и самио постигна гол. Тоа беше негов шести на последните седум првенствени натпревари.
А потоа, во 70. минута, општа тепачка, по која Касемиро го извлече најдебелиот крај. По прегледувањето на снимката, беше откриено дека Бразилецот заслужи црвен картон. Шест минути подоцна Шлуп, го постави конечниот резултат 2:1.
Најмногу голови и возбудувања иамше на Вила Парк. Астон Вила водеше двапати во првото полувреме. Прво со голот на Воткинс во деветтата минута. Лестер израмни преку Медисон во 12. минута, но 20 минути подоцна Вила поведе со автоголот на Сутар во 32. по ударот на Воткинс. Но, до полувремето, Лестер направи пресврт со головите на Ихеначо во 41. минута и Тете во втората минута од судиското надополнување.
Во вториот немаше толку многу возбудувања. Во 72. минута Кутињо постигна гол за 3:3, но истиот беше поништен поради офсајд. А потоа во 79. минута Прат постигна уште еден гол за Лестер за 4:2 и им донесе победа на „Лисиците“, прва по паузата за Светското првенство и пет првенствени натпревари.
Брентфорд убедливо со 3:0 го совлада Саутемптон со головите на Мие, Ембом и Џенсен.
Додека Брајтон отпорот на Борнмаут го скрши во 87.минута со брилијантниот гол на Митома.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.