Селекцијата на Грузија направи историски успех, откако вечерва ја совлада репрезентацијата на Грција преку пенали. Грузијците не ја повторија грешката со Македонија од пред четири години, и сега успеаја да дојдат до пласман на Евро шампионатот.
Во регуларниот дел од средбата немаше голови, а ниту после продолженијата. 120-минутната битка заврши со неколку шанси. Имаше свои прилики и Грузија и Грција, Грците ја погодија и пречката во првото продолжение, додека Влаходимос спасуваше неколку чисти ситуации за домаќините, па победникот мораше да се решава на пенали.
Голем хендикеп за Грузија беше и повредата на Квича Кварацхелија, кој го напушти теренот во текот на продолженијата.
Пенал серијата одлично почна за Грузија, одбрани пенал Мамардашвили, но во третата серија и Грузија промаши, па така во четвртата серија се влезе со израмнет резултат. Меѓутоа во неа Грузија погоди, а Грција промаши, па така во петата серија Грузијците успеаја со гол и дефинитивно да се пласираат на Европско првенство.
Селекцијата на Грузија ќе игра во групата Ф на Европското првенство, заедно со Словачка, Португалија и Чешка.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
