ekran платформа за слободоумни
Вечерва (10.5.) со почеток во 20 часот во просториите на Europe House Скопје ќе се одржи третото издание на младинскиот мултимедијален настан „Клинци“.
Во рамки на настанот ќе се одржи книжевно читање во кое ќе учествуваат четири млади авторки: Ивана Јовановска, Моника Стојановска, Саранда Мехмеди и Софија Добревска, како и изложба на младата фотографка Валентина Миладинова.
Настанот е организација на Здружението за афирмација на младинската култура „Култура Бета“, а настанот ќе го модерира Андреј Медиќ Лазаревски.
„Клинци“ е мултимедијален настан во организација на „Култура Бета“. Целта е да се претстави творештвото на новата генерација македонски уметници. Во рамки на секое издание учествуваат четворица млади книжевници кои се претставуваат со своја поезија или проза, а во рамки на секое издание се одржува и изложба на визуелни дела. Ова е трето издание на „Клинци“ и се случува со поддршка на скопскиот Europe House.
