Над 24 проценти (околу 300) од 1.245 возачи кои се проверени од СВР Битола во засилените контроли викендов, направиле прекршок и им биле издадени платни налози. Контролите се однесуваат на периодот од 21 до 23 март, значи по стотина прекршоци дневно.

„Прекршоците по основ на брзината на движење повторно предничат, така што евидентиран е вкупно 121 прекршок, а откриени возачи што управувале возило без возачка дозвола се 32, како и 4 возачи кои што управувале нерегистрирани возила. Покрај ова, изречени се и 17 мерки по основ на зборување на мобилен телефон при возење, како и 60 мерки за непрописно паркирани возила. Од вкупно 299 алкотестирани возачи, кај 11 возачи констатирано е присуство на алкохол и се исклучени од сообраќај“, соопштија од СВР Битола.

Ж. ЗДРАВКОВСКА