Претседателот на Србија, Александар Вучиќ на отворањето на Бизнис саемот во Мостар изјави дека денеска разговарал со хрватскиот премиер Андреј Пленковиќ и рекол дека напаѓачите на хрватските новинари во Панчево ќе бидат казнети.
-Прво, не само што го осудувам, туку нашите надлежни органи ќе направат се за да ги гонат оние што направиле нешто такво – недозволиво е, недозволиво е и такво нешто не смее да се случува во нашата држава, никаде во регионот. – истакна тој Вучиќ.
Тој рече дека имал краток разговор со премиерот Пленковиќ.
-Разговаравме и тој ми посочи едно, а нема да зборувам за нашите приговори на другите, кои секако ги има – колку сакате, туку за тоа какви се забелешките на наша сметка. И ќе се погрижиме она што е нормално, рационално, разумно, постојано да го коригираме и поправаме – рече Вучиќ.