Татковците се посреќни кога поминуваат време и комуницираат со своите деца. Тие, исто така, се помалку изложени на стрес кога се во прашање децата. Ова се заклучоците од студијата спроведена од група научници, чија цел била да истражат како се чувствуваат родителите кога станува збор за воспитувањето.

Студијата покажала дека родителството е предизвикувачка и родово условена одговорност, при што татковците доживуваат повеќе емоционални награди, како што се поголема среќа, пониско ниво на стрес и помалку замор, за разлика од мајките.

Според истражувањата, татковците имаат повисоко ниво на задоволство од животот и се чувствуваат поповрзани со своите деца, за разлика од мајките. Покрај тоа, татковците пријавуваат пониски нивоа на депресија од мажите што не се татковци. Од друга страна, симптомите на депресија се почести кај жените со деца отколку кај оние без деца. Се покажало дека врската помеѓу грижата за децата и среќата е значително под влијание на полот. Мажите доживеале поголема среќа додека се грижеле за своите деца, додека жените доживеале пониски нивоа на среќа во истата ситуација.

Според истражувањето, татковците доживеале поголеми емоционални награди. Тие се чувствувале посреќни и помалку под стрес бидејќи поминувале повеќе време правејќи забавни работи со своите деца и морале да се справуваат со помалку стресни родителски ситуации.

Татковците генерално се посреќни како родители отколку жените, а истражувањата сугерираат дека можеби се повнимателни кон своите ќерки отколку кон синовите. Всушност, студиите покажуваат дека татковците често користат различен стил на комуникација кога разговараат со своите ќерки, па дури и повеќе пеат со нив отколку што тоа го прават со своите синови.

Извор