Евертон по 14 години го совлада Ливерпул на „Гудисон Парк“, Јунајтед со нов меч со шест гола (ВИДЕО)

Екипата на Ливерпул доживеа болен пораз од градскиот ривал Евертон (2-0) во вечерашниот меч во Премиер лигата, негативен резултат кој е голем удар во трката за титулата.

Ова за „карамелите“ е прво славје на „Гудисон Парк“ против Ливерпул (во ПЛ) по пауза од 14 години, триумф со кој Евертон е чекор поблиску до опстанок во лигата.

Брантвејт го отвори резултатот во 27 минута, додека Калверт-Луин во 58 ги постави конечните 2-0.

Манчестер Јунајтед пак одигра меч со шест гола како пред неколку дена против Ковентри (3-3), но вечерва иако мораше да се испоти го доби Шефилд Јунајтед со 4-2.

Гостите двапати водеа, но Мегваер, Фернандеш (2) и Хојлунд донесоа посакуван триумф.

На другите две пресметки, Вулверхемптон го доби Борнмут со 1-0, Кристал Палас пак беше поуспешен од Њукасл со 2-0.