Рускиот БДП би можел да порасне за повеќе од три отсто до крајот на годината, изјави денеска рускиот претседател Владимир Путин на состанокот посветен на економските прашања.
„Вистинската моментална состојба на економијата ни овозможува да ги подобриме прогнозите за нејзиниот развој. Многу експерти веќе велат дека до крајот на оваа година рускиот БДП би можел да порасне за повеќе од три проценти“, рече рускиот лидер.
Тој наведе дека во јануари и февруари оваа бројка е зголемена за шест отсто на годишно ниво.